�果日�- 40mm�震膜 V-MODA XS��富感情

40mm雙震膜　V-MODA XS聲靚富感情

我知好多人都愛聽「b」字頭，但其實聽番身邊唔少愛音樂的朋友，都對V-MODA的過頭式耳機評價不俗，尤其是M-80同M-100兩款型號。品牌出品唔算多，不過近日就有一隻V-MODA XS新推出，叫得XS，體型當然是賣點之一，比M-100細一個碼，亦輕巧得多，感覺更易於帶出街。聲音方面當然亦一貫的有味道，據官方介紹，耳機左右精準度更提升至1dB的業界最高標準。造工方面質感亦佳，難怪Sales說這耳機剛到貨，人氣已相當不錯，加上繼承了M-100的自訂裝飾片設計，唔想與潮童們撞正「b」字頭，不妨試試。

$1,680

實際試聽一下，第一感覺係好輕，雖然金屬造工扎實，亦有195g重，但可能是設計得宜關係，戴上頭感覺舒服，兩邊壓力亦控制得好，筆者屬大頭一族都完全唔覺得夾耳。聲音方面，試聽過純音樂、人聲、亦有Pop music，發覺耳機的40mm雙震膜單元各方面都表現平均，中高音清晰清爽，低音亦具力量，特別一讚是人聲比M-80和M-100更富感情。礙於體型，XS不是完全包圍耳仔，但非常貼耳，隔音效果不俗，亦減少了焗促的感覺。