爭咩吖，溝埋嚟做瀨尿牛丸吖，笨！
2014-5-24 1:02:20
「健力士」出薯片？真的，據好友上載圖片時說明，黃老太超市有售，好友食評指味道有點像vegemite，但健力士打入零食界，又似乎相當有噱頭。
或者大家都記得，上年「出前一丁麻油味薯片」掀起搶購熱，阿信屋一返貨，大家飛咁去買，想試試麻油味薯片到底與麻油味即食麵分別多大，也不介意一包薯片貴過一個即食麵價錢三倍，甘之如飴。
但熱潮一過，出前一丁薯片再沒有上架，至今最少有三個月了。
出前一丁究竟搞乜鬼？出出吓薯片又停產？
或者不是停產，而是目的已然達到了。
出前一丁，生娘為日清，本業為即食麵，做足46年，老實講，「無丁丁」走去開發薯片市場，由產品研發到生產流程，必須重新投資，由零開始，一間企業做了46年，豈會不知這是兵行險著？
或者大家太著眼「出前一丁麻油味薯片」和「清仔」的Cutie面孔，忽略了包裝左上角的一個標誌「コイケヤ」(湖池屋Koikeya)，翻查維基百科，係一間專門生產薯片嘅公司，旗下薯片品牌多不勝數，呢包「出前一丁麻油味薯片」應該係湖池屋與日清的愛情結晶。
同樣地，健力士薯片，Guinness字樣大大隻，好易令人忽略包裝下方的「BURTS」，而呢間BURTS，係一間英國薯片生產商。
其實每間公司每年總會計劃搞搞新意思，一係推新產品，一係推新廣告，但若果只係喺主要業務上做開發，其實聲浪大極有限，如果同其他品牌合作Collaboration，做一啲異業結盟(Horizontal Alliance)，搞樣跨業務新嘢出嚟，兩邊都有Noise又可以做生意，其實互利互惠。
呢啲生意雖然未必賺好多，但最緊要封咗蝕本門，唔似得做廣告，只有付出難見收入。
當然，呢類跨業務產品亦有機會係OEM(Original Equipment Manufacturer)形式做到，譬如CK咁，佢哋未必有一條line生產內衣，但係可以向Triumph買一啲配合自己公司產品style嘅款式，再黐返自己「嘜頭」上去，見街時就已經係「自己own咗件Product」。
呢啲Horizontal Alliance有兩個好處：
1. Viral marketing：當有人見到跨業務產品上架，如「出前一丁麻油味薯片」和「健力士薯片」，自自然然會「相機先食」，放上Facebook話畀全世界知，賺到的曝光位置係一般Media Placement難以做到的。平日要保持Market presence可能要連續三個月贊助《愛‧梅媽》同植入「影響觀賞趣味」的廣告，現在就無需如此「攞嚟賤」
2. 話停就停：呢類產品唔使睇長線，可以期間限定賣三個月，然後做出「停產」假象，假如呢一期宣傳效果良好，停一停，蘊釀「期待感」，自然有「翻撻」機會，當呢樣產品再次上架，又會自自然然再掀起一窩蜂搶購熱潮
始終，沒有多少消費者識得計：一包薯片貴過三包即食麵，而呢兩間公司，呢一浸，肯定有賺。
没有评论:
发表评论