■澳洲牛奶公司繼續成為強國人鍾情捧場的食肆。
蘋果日報- 中環在線：強國人最like旺角開飯 - 李華華
OpenRice噚日舉行第7屆優秀開飯熱店大賞頒獎禮，分多個類別統計開飯熱店，其中，今年第二年由強國網民選出本港十個優秀開飯熱店，兩年上榜嘅食肆面目全非，只得澳洲牛奶公司有得留低。今年最大特色係，10間有4間位於旺角，而且大部份係港人經常幫襯嘅平民食肆。
強國人似乎好鍾意幫襯本港茶餐廳或快餐，十大上榜食肆半數屬於呢類，包括翠華（1314），仲要集中喺旺角搵食；聖誕、新年前必大排長龍嘅珍妮曲奇當然入選；較為高消費嘅食店係平均消費301至500元嘅陸羽。
翠華得到強國人垂青，卻失港人歡心。翠華曾於2010、2012同2013年入選「最優秀開飯茶餐廳」，今年就從名單消失！上榜茶餐廳係勝香園、澳牛同華星冰室（灣仔店）。
OpenRice開業15年，好多人關心佢會否上市或者被人睇中賣盤，常務董事黃鳳鳴噚日就話未有呢類計劃。
发自我的 iPad
没有评论:
发表评论