�果日�- 如果梁太�女�行被警方拉� - 曾志豪

如果梁太個女遊行被警方拉咗 - 曾志豪

「我想講俾大家知，無論我個女，嗌了甚麼口號，你話佢犯咗咩公安法，佢永遠都是我……都是我心愛的女，我係永遠永遠都咁支持佢。」


「我在這裏衷心呼籲，懇請歸咗邊、受咗勳嘅傳媒朋友、收咗五毛或者毛都收唔到一條嘅網上朋友；以學術以宗教以幫港以家長為名行邪惡事的社會各界人士，請你們給一些空間我個女，佢現在實在需要一個寧靜同自由環境」。


「這純粹是自己的一件家事，與《環球時報》同《人民日報》無關，我真的好希望爭普選這一件事能夠到今年就成功。我希望各位不要再騷擾我個女，不要再作這件事，話佢同啲遊行人士行出嚟唔係全部爭普選，而改動任何報紙嘅版面標題。」


「我對有不負責任的警察高層，予以強烈譴責，極之憤慨和遺憾。呢啲高層，自己在傳媒散播片面訊息，妄自肆意，用涼薄、刻毒的說話，作惡意批評。例如話我個女同遊行人士係『尋釁滋事』，告遊行開車嘅司機『停車不熄匙』，仲要告嗰啲喺條街慢慢行嘅普選毅行者係非法集會。恕我直言，警察高層呢啲行為，不但顯露他的淺薄，無知，而且冷血涼薄。」


「當我知道社會上有人抹黑遊行人士，例如叫佢地不如遊行帶埋菲傭、唔好出咁多聲，要做沉默的羔羊等等嘅廢話，原來是一位主教時，我不禁倒抽一口涼氣，我實在為一眾莘莘教徒，有這樣，所謂一位主教，（我忍不住要雙手舉起食指作引號狀）覺得擔憂。」


「正所謂虎毒不食兒，但警犬竟然會反咬自己呢個城市真正要保護嘅主人！我想問警察一句說話，假如俾人搣臉屈手腕無理拘捕嗰個係你嘅仔女，你還會下如此毒手嗎？」

华海。華海。