【奇聞】不重複的早餐 兩個男人的浪漫
Michael Zee和Mark van Beek這對男男情侶，兩年來幾乎每日都會在instagram上發佈當日早餐照片。
早兩年，網絡上流傳一篇《一生只想尋找一個肯挨麥記的女人》的潮文，話願意與你食麥記的女人娶得過，但如果有個男人願意兩年多來每日都為你煮早餐，而且係每天煮唔同的早餐，咁又嫁唔嫁得過呢－－雖然這位男人的另一半都係男人。兩位鬍鬚佬Michael Zee和Mark van Beek好恩愛，晨早起身就會大晒幸福生活，每日Michael負責整早餐，Mark就開心食，放閃指數百分百。
由於早餐係兩人份，拍攝成照片後看起來好似對稱，所以後來乾脆在instagram開設帳戶symmetry breakfast，至今有50萬追隨者。重點係兩年來每日的早餐都不重複，難度指數百分之二百，Michael話想為愛人整早餐，可以由雞蛋三文治加一杯熱茶開始，慢慢再嘗試水果沙律、waffle、奄列等，旅途中他還會煮各式異國風格的早餐，絕對係非常值得參考的早餐食譜。當然晒恩愛的前提是有另一半，獨男當道的世界，有一技傍身真係好重要。新年新願望，強烈建議友台《毛記電視》愛情專家Dickson親身示範，令「脫獨」之日指日可待。
由於早餐係兩人份，拍攝成照片後看起來好似對稱，二人乾脆在instagram開設帳戶symmetry breakfast作分享。
二人晨早起身就大晒幸福，Michael（右）負責整早餐，Mark就開心食，放閃指數百分百。
資料來源：
https://www.instagram.com/symmetrybreakfast/
記者：劉東佩
上一則: 【寵物籽】點解貓貓在我床上尿尿？
I
没有评论:
发表评论