2016年3月2日星期三

【奇聞】旅行能醫百病　90歲患癌婆婆回春

宇宙已經無嘢阻到呢個90歲婆婆去旅行了，即使係癌症。住在美國密歇根州的Norma去年失去丈夫，更患上子宮頸癌，人生突然跌入低潮，但既來之則安之，她決定不做手術出發旅行，重點係病情離奇有好轉！

樂觀的Norma婆婆下個月就迎接91歲生日，希望佢可以繼續周遊列國啦！

做化療、手術或許能延續她一年半載的性命，卻要在醫院，而且痛苦。她說：「我都90歲人，寧願去旅行！」醫生都支持她豁出去，並鼓勵說：「老實講我唔擔保手術能切除全部腫瘤。我係妳都選擇出去旅行，一路順風！」

於是Norma的家人與她坐上露營車開始四圍遊覽，一遊就六個月。他們到了迪士尼樂園、坐上熱氣球，還參觀了甘迺迪太空中心、遊過大峽谷，甚至去埋歐洲及中國。家人還為她在facebook開了個專頁Driving Miss Norma，分享旅途見聞。

踏上旅途讓Norma反老還童，笑得像個幸福小女孩。與愛自己的人一起遊歷，是「另類療法」，有病醫病，無病暖心。

記者：葉青霞

資料來源：METRO、Driving Miss Norma

Norma婆婆好鍾意閒時啤一啤，佢個樣好可愛。

跟可愛狗狗一同砌砌圖，婆婆仲大讚「隊友」。

等坐熱氣球的一幕，好溫馨呀！

婆婆：「呢條友話帶我去火星。」