http://hkm.appledaily.com/detail.php?guid=19656200&category_guid=15307&category=daily&issue=20160616
Lab Made遭上市黨騙財 年關六店
【本報訊】香港首間分子雪糕店Lab Made在一年內怒關六間分店，創辦人鄭康宏表示被「上市黨」騙財，加上遇上市況低迷，令公司出現財困，惟有留下大坑總店繼續營業。
■分子雪糕店Lab Made大坑總店午市生意冷清。 李潤芳攝
損手七位數字鄭康宏透露過去一年連續關了五間分店，另一間尖沙嘴分店亦會在下月被搶租結業，除因蝕錢外，更被「上市黨」騙財。他指在2014年間，有投資者入股Lab Made，並對他指可以幫助Lab Made上市。「話可以執靚盤數，要開多啲分店先至可以上市。咁佢哋就入股形式啦，之後就焗要開好多間分店，仲介紹啲裝修公司畀間舖用，點知就收貴市價幾成，先賺你一筆」。
Lab Made於2014至15年初在荃灣、淺水灣、銅鑼灣、屯門及將軍澳連開五間分店，大部份一年內結業，同時在上海開分店計劃亦告泡湯，公司上市不成，更反被「上市黨」要求回購其股份，「夾夾埋埋損手七位數字」。
鄭康宏表示今次被騙，自己也有責任，「初初出嚟做生意，太過相信人所以中計，佢哋手法係好專業，有背景，我都唔敢追究，只能夠叫自己下次小心啲」。
Lab Made當年食盡頭啖湯，投資100萬元，首月便有60萬元營業額，月賺逾10萬元。但一眾雪糕店越開越多，鄭康宏坦言，大坑總店的營業額亦較高峯期回落一半，因此要推出家庭裝雪糕等零售市場才能維持生意額。
據了解，現時大坑總店月租約6.2萬元，較4年前貴13%。記者日前到過大坑店觀察，在下午時段無生意可言，店內職員表示，一般要在放工到晚上才會有客人幫襯。鄭康宏指大坑店租金不算貴，所以仍有錢賺，「我哋主要靠食完晚飯嘅客人嚟食甜品幫襯，但最近一年大坑總共有十間餐廳執咗，對我哋都有影響」。
上一則: 海典灣業主收定金後走佬
下一則: 帝峯車位炒至348萬
I
没有评论:
发表评论