【瀕危美食】Jamie Oliver都投降！全世界只得3人識整嘅意大利麵
有種意大利麵叫Su filindeu，做法只在阿巴拉尼家族的婦女手上流傳，現時全世界只得三人識整。麵線出名極幼細，闊度為天使麵一半；不過由於太難整，早前已被國際組織列為世界上最罕見最瀕危的意大利麵。就連英國名廚Jamie Oliver都忍唔住去學整，不過試咗兩個鐘後就舉手投降，指自己做咗20年意大利麵，都未見過呢種做法。
意大利麵Su filindeu，現時全世界只得三人識整。
麵線出名極幼細，闊度只有約天使麵一半。
呢種麵會夾羊肉湯一齊煮，同時搭配佩科裏諾芝士，以濃湯形式呈上。
就連整咗20年意大利麵的英國名廚Jamie Oliver，試咗兩個鐘後亦舉手投降。
瀕危意大利麵只有三種成分，分別是粗粒小麥粉、水同鹽。究竟有幾難整？每日朝早7點起身整麵嘅Paola Abraini指，整Su filindeu要將粗粒小麥麵糰重複拉伸，並折疊出256條粗細均勻的麵線，之後放喺一塊圓形板上，一層疊一層咁交叉擺放。Paola指，當中最難嘅部分，就係調整麵糰的粘稠度，勁道唔夠就要蘸鹽水；不夠濕潤的話就要蘸普通水。佢話呢個過程需要好幾年經驗，先至拿捏得好。
佢仲話，呢種麵會夾羊肉湯一齊煮，同時搭配佩科裏諾芝士，以濃湯形式提供畀當地朝聖者。至於另外兩位識整嘅人，就分別係阿巴拉尼嘅侄女同妹妹。
記者﹕湯珮然
上一則: 【南港島線】湊熱鬧遊黃竹坑 中式修院與世隔絕最神秘
下一則: 【文化籽】張藝謀未死 劉德華保衞長城
I
没有评论:
发表评论