【污穢豬肉】美國食品安全檢驗局話洗生肉都冇用 用水沖係大忌
見到一隻隻生豬放喺地下，餵完流浪狗們再餵我哋，你都咪話唔驚！有啲人可能會話：「肉係咁㗎喇，食前洗洗佢，或者拎去汆水咪得囉。」但原來洗生肉係並唔會令肉變得更乾淨或安全，細菌冇少到不特止，分分鐘仲將細菌散播到全廚房都係呀！
生肉中的細菌洗都未必可以完全清除。
用水沖生肉係大忌，細菌會一同四濺，更易交叉感染。
肉要徹底煮熟才最有效清除細菌。
美國農業部食品安全檢驗局（Food Safety and Inspection Service）指，當你喺清洗生肉時，生肉中嘅細菌可以散播到其他食物、廚具或地方的表面，用水喉沖洗生肉會令水花四濺，細菌仲會一同四濺，更加容易交叉感染，所以係並唔建議清洗生肉或家禽。或者有人認為清洗生肉或家禽係可以清除當中嘅細菌，但有啲細菌係強烈地依附喺肉上，無論你洗幾多次都係冇辦法洗走。
細菌洗唔走咁我仲點食呀？細菌雖然洗唔走，但都唔洗驚，只要煮食時將肉煮到去正確嘅熱度，都係可以有效消除細菌。何謂正確嘅熱度呢？美國農業部指，喺肉離開熱源前，肉的內部至少要去到華氏145度（攝氏62.8度），先可以有效消除細菌，唔好一尾靠估，用食物溫度計先最準確！
無論用熱水沖或?都對消除細菌冇用，反而會令蛋白質流失，要好好記住喇，而家啲肉咁污糟，點可以唔煮熟啲消除細菌呀！
資料來源︰United States Department of Agriculture Food Safety and Inspection Service (2013). Washing Food: Does it Promote Food Safety?
記者：陳傲紫
Z88
没有评论:
发表评论