iPhone 8開售即燶 炒家擲220萬趁低吸納
【本報訊】蘋果昨正式開售iPhone 8及8 Plus手機，iPhone 8原價5,988元起，而8 Plus則為6,888起，但部份機款在數小時後已炒燶，8 Plus大機回收價較官方零售價還低，iPhone 8細機回收價亦僅比零售價高12元，有炒家原準備300萬元入貨，結果僅用220萬，指行情近年最「雞」。由iPhone 4開始，推出的新型號都會有大批捧場客，但8系首賣日熱鬧場面不復見。
手機店主阿勇預備300萬現金收機。
「史上賣得最雞」
在先達經營手機店數碼匯多年的阿勇，原預備300萬現金收機炒8系，但首日即炒燶，形容「功能最好，但史上賣得最雞」，他指新iPhone交投淡靜，先達昨人流不多，行情比預期低。
由於不少果農願意蝕讓，「我收一部賺一部」，阿勇截至昨午已收130部，同時亦放售70部，其中以64GB細機銀色和太空灰，以及256GB大機銀色和太空灰最受歡迎，一度每部高收60元。他透露昨日僅賺微利，比以往月賺百萬差距甚大，「本來首日預賺20萬，點知𠵱家得幾皮」。有炒家透露，由於貨量充足，昨日收機價幾乎全部蝕錢。
蘋果專門店門外去年墟冚場面亦不見，銅鑼灣店昨早8時開門時只有4人排隊，記者比排隊人士還要多。排頭位的蔡先生訂了金色的256GB iPhone 8 Plus打算自用。
iPhone8在兩岸反應亦比預期冷。過往香港果農的放機熱點深圳華強北路多個數碼商城，昨日所見交投淡靜，大部份商舖表示不收機，或將收機價大幅降低。北京王府井蘋果旗艦店門外雖架起圍欄維持秩序，保安嚴陣以待，然而這次開賣沒有黃牛，僅得4人排隊。
■記者翁鈺輝、黃麗英
I
没有评论:
发表评论