人物專訪： 斥美批准期貨出台「腦袋有問題」 陳家強：比特幣終會失敗
橫空出世的比特幣（Bitcoin），價格如坐火箭直飆無人之境，曾逼近2萬美元。離任官場後一直留意金融科技的財經事務及庫務局前局長陳家強指該幣價格荒誕，「好多人都可以出加密貨幣，你估供應真係有限咩？」他又斥美國監管機構准許比特幣期貨出台，是腦袋有問題，預料全世界政府將表明立場，比特幣最終會失敗收場，難成交易工具。
記者：周家誠
快將61歲的陳家強任政府問責官員後期，一直有研究金融科技，重返科技大學執教鞭後，興趣亦未間斷。他接受《蘋果》獨家專訪時滔滔不絕談金融科技，對於加密貨幣未來發展，則相當看淡。
「加密貨幣最終唔會成功，如果做支付工具，好少場景可以做到交易，大型嘅尤其係跨境交易，一定會碰到監管問題，例如洗黑錢、KYC（認識你的客戶）」，陳家強稱，「我懷疑冇乜人用比特幣做支付，價格咁波動好難做支付工具，目前只係炒」。
不能作支付工具「冇價值」
比特幣推出之初，由於背後區塊鏈技術具突破性，曾掀起新式支付熱潮，貼地如餐廳、商店等都接受；但自成為高度投機資產後，更廣泛被國際不法份子用作贖金、洗黑錢等暗黑用途，逐漸被人詬病。
有監管機構背景的陳家強指，不相信長此下去監管機構會同意這類活動存在，「目前佢哋仲有啲避忌，事實上你唔知點掂佢嘛，佢又唔係金融資產，最多話佢投機性高，而且目前冇系統性問題」。他續說：「咁令到班虛擬貨幣投資者覺得好好玩，炒得好緊要。」
陳家強坦言，環球政府監管立場困難，「但相信去到一個地步，各國政府最終會有立場，就係呢件乜嘢東西先？說到底唔能夠係支付工具，咁就變得冇價值㗎喇」。不過，有監管機構反其道而行，美國商品期貨交易委員會（CFTC）上月容許比特幣期貨出爐，推波助瀾，將比特幣價格推上顛𥧌。陳說：「我對CFTC好失望，都唔知佢諗乜，連現貨市場都好難定義比特幣，班友個腦袋有問題，話市場有需要就去做，真係離晒譜，自由市場都唔係咁。」
他續說：「期貨市場最終要有實物，實物要有內在價值同流動性，美國監管機構有時做嘅嘢，令人摸不着頭腦，甚至畀人錯覺，覺得美國做得，咁我都可以做喇喎。佢以前成日批錯嘢，𠵱家又搞啲咁嘅嘢。」
另外，有中央銀行研究推出官方加密貨幣，陳家強認為難獲市場廣泛接納，原因是加密貨幣目的就是規避監管。至於比特幣短期價格走勢，陳表示「唔敢講」，「每次話高之後都會升」，又指比特幣期貨推高現貨價格，現時價格水平荒誕，「好多人都可以出加密貨幣，你估供應真係有限咩，你出完呢個，再出嗰個，係無限㗎嘛，無本生意嚟」。
比特幣當初設計時，其供應限在2,100萬枚，給予投資者藉口炒高，昨最新報每枚1.7萬美元。不過，目前加密貨幣種類逾千種，炒風熾熱，比特幣以外尚有多種正急速升值。
没有评论:
发表评论