忽然1周 - 828 - 娛一叮 爭產敗訴諗計搵錢 梅媽出書揭阿梅私隱

爭產敗訴諗計搵錢　梅媽出書揭阿梅私隱

2011年06月10日
一代天后梅艷芳 03年尾患子宮頸癌逝世後，七年來梅媽一直不放棄循法律途徑追討女兒達一億港元的遺產（包括多個物業），惟上月初終審庭仍然裁定梅媽敗訴。今年已屆八十八歲高齡的梅媽聲言不會放棄上訴。為了籌錢打官司，還計劃出書大爆愛女許多至今仍不為人知的私隱，如在夜店被黑社會人士掌摑的來龍去脈。提到愛女最為人關心的感情事，梅媽更表示劉德華肯定係阿梅一生最愛。
總之梅媽為了搵錢，不介意公開愛女秘聞。
上月初梅媽知道阿梅的遺產官司敗訴後，氣得血壓暴升，由家人送入銅鑼灣聖保祿醫院，留院兩天後出院。事後記者走到梅媽現時所住、月租兩萬八千元的跑馬地住所探訪她。對於今次敗訴，梅媽向記者氣憤地說：「阿梅真係死唔眼閉，因為佢阿媽我有冤無路訴呀！雖然輸咗官司，但我一日未死一日都會繼續打落去，冇錢打，我就為阿梅出傳記《我的愛女梅艷芳》，仲會分上下兩冊。上冊係講佢同家姐梅愛芳由細到大嘅辛酸史，下冊就由阿梅得獎（第一屆新秀歌唱比賽冠軍）開始，一直講到佢死嘅種種往事。」據知梅媽之所以如此着緊，是希望有生之年可以奪回遺產，讓兒子梅啟明和兩個孫兒生活無憂。
梅媽說阿梅一生有許多對外間來說仍然是個謎的事未曾公諸於世，但當年女兒仍身在娛樂圈，即使想爆料，亦要考慮到後果。「我當時勸個女都係唔好講住啦，等第日退休至講都未遲吖！點想到我個女咁快死 o架……」梅媽講時不禁眼濕濕。
放大圖片

上周五（ 3日），記者到梅媽現時所住的跑馬地寓所，她透露會繼續爭取阿梅的遺產，還着手安排推出阿梅的傳記。

放大圖片

上訴失敗的梅媽，上月尾突然因血壓高而送入聖保祿醫院，兒子梅啟明陪伴在側，事後梅媽說：「住咗兩日院，要使成 4萬幾蚊。」《蘋果日報》圖片

放大圖片

私隱 2：為角色嚎哭
梅媽透露，阿梅 01年拍《愛君如夢》前，因與華仔作情侶的角色最後由吳君如飾演，曾在母親面前嚎哭一場。最後阿梅為大局着想，才繼續拍攝。當年，確實曾傳出阿梅與君如爭戲份。

放大圖片

私隱 3：因朱麗倩死心
梅媽會在阿梅傳記內提及阿梅得知華仔有穩定女友朱麗倩後才死心。而事實上，早在十多年前，朱麗倩已住在華仔家中，至近年華仔才正式承認她是太太身份。今年 3月，華仔與朱麗倩抵港時，女方戴口罩兼護肚，因而傳出懷孕消息（圖）。《蘋果日報》圖片

放大圖片

私隱 4:堅信戰勝癌魔
03年，阿梅在多位好友力撐之下召開記者會，心平氣和說出：「係，我有癌症！我從未驚過。」梅媽表示當時阿梅信心十足會戰勝癌魔，還安排自己將來結婚的事宜。

遺腹女望幸福家庭

據知，梅媽打算在該書中，有頗大篇幅是揭示阿梅一生多段感情，其中更會提到阿梅最愛但未能開花結果的劉德華。「阿梅係遺腹女，出世後就冇爸爸，所以一直都好想自己有個幸福家庭，咁多個男朋友之中，佢最鍾意劉德華，一直都想同華仔一齊，後尾佢突然有一晚同我講：『阿媽，我死心啦！華仔同我講，自己早已有個好穩定的女朋友（指跟隨華仔近廿年的朱麗倩），阿梅甚至親自去大馬了解過呢件事㖭！」
梅媽表示， 01年阿梅在拍攝劉德華投資的電影《愛君如夢》時甚至為對方嚎哭過，「佢其實好想演吳君如個角色，至少喺戲入面可以同華仔成為一對，點知俾吳君如做咗，阿梅為咁喺我面前喊咗好多次，同我講話佢想唔拍！」
除了大爆阿梅感情史，梅媽還會提及愛女的悲慘經歷，例如在夜店被黑幫人士掌摑後，驚到在家中匿埋數月等大事件。此外，梅媽表示即使阿梅逝世前數月，依然堅強面對癌病，認為自己一定會戰勝病魔，「嗰時阿梅仲帶我去睇佢夾萬入面一粒卡幾嘅鑽石，叫我喺佢第時結婚嗰陣，攞去鑲隻戒指戴，嗰時佢仲好有決心會冇事 o架，點知……」梅媽不禁雙眼通紅。

慨歎昔日好友冇影

記者訪問梅媽當日，她亦感慨昔日愛女經常帶娛圈不少好友及徒弟到來把酒談心，但人一死，所有「好朋友」連電話都冇一個。她感歎說：「我個女耳仔軟，人又疏爽。佢生前唔知借過幾多錢俾朋友，借據都冇寫過一張。個個話係佢嘅好朋友，但阿梅一死，佢嗰班好朋友唔好話嚟探吓我呢個老人家！阿梅三個好徒弟草蜢，同阿梅感情好喇啩，阿梅死咗咁多年，只有傑仔（蔡一傑）上過嚟屋企探過我一次。」
本周一（ 6日）記者入無綫找到錄影《新派煮意》的蔡一智，問到有關梅媽的指摘時，他無奈地說：「我哋係冇乜聯絡，至於點解咁我真係唔識點講……大家由細睇到我哋大，我哋（指草蜢）係乜人大家都知，好透視嘅！我只可以講自己惟有堅守崗位！其他嘅嘢，我真係唔識點講呀！（梅媽話自己為咗打官司冇晒錢，會唔會借俾佢？）佢借到先算啦！」
放大圖片

阿梅生前身邊經常有徒弟草蜢及好友羅文等陪伴，晚晚如是，不愁寂寞。《壹週刊》圖片

放大圖片

本周一，蔡一智被問到梅媽指草蜢等人在阿梅死後對她老人家不聞不問時，表情甚無奈。

直擊梅媽住所阿梅遺照

放大圖片

大廳內擺滿阿梅一張張各個時期的舊照，還有朋友送給阿梅的題詩。

放大圖片

客廳一角擺放了阿梅和家姐梅愛芳之靈位，梅媽說：「平日我唔會裝香，佢哋會折福 o架，我會叫啲孫上香。」

放大圖片

阿梅事母至孝，走紅多年買下不少足金金牌給梅媽，據梅媽講，本來積存有六十多個（小圖，舊居資料圖片），但阿梅過身後因為等錢用而變賣，如今只賣剩十個（上圖），這些因為不大值錢才留下來。

放大圖片

梅媽現與兒子及孫兒同租住跑馬地千多呎單位，前有露台，後有花園（下圖），梅媽房內（上圖）亦擺滿阿梅兩姐妹舊照。梅媽表示待年尾租約期滿，業主或會加雙倍租金。

放大圖片

出書撈番筆

放大圖片


藝人出書愈來愈流行，部份藝人更不惜揭自己甚至別人私隱來推出自傳賣錢。梅艷芳在 10年前曾講過：「有出版商搵我出書，如果要寫我會寫《我的前半生》，自己執筆的話感受更深入！」據知當時因為涉及他人，阿梅一直未決定執筆。
去年 6月，呂良偉在北京推出自傳《路是無限寬廣》，大談他與周海媚、鄺美雲及現任太太楊小娟的三段婚姻，自爆遭鄺美雲迫婚，引起一時話題。
放大圖片


07年阿 B鍾鎮濤推出自傳《麥當勞道》，將他鮮為人知的破產、離婚等經歷公開，內容更直指前妻章小蕙的惡行，以及她的婚外情臭史。
放大圖片


05年劉德華的前女友喻可欣推出《情海星空》，將與華仔由拍拖到分手經過詳細闡述，令仍走紅的華仔甚為無奈。
04年，李麗珍與髮型師 Jacky Ma及太太李靜婷的荒唐三角戀當年轟動全城，事後馬太忍不住哭訴李麗珍撬老公，並出書《珍人真事》上下兩冊，大爆李麗珍荒淫生活，令李事業直插谷底。
放大圖片


放大圖片


 

忽然1周 - 828 - 娛一叮 爭產敗訴諗計搵錢　梅媽出書揭阿梅私隱