壹週刊 - 1181 - 智能生活派

 

CLOSE-UP

智能生活派

2012年10月25日

• Facebook
• Twitter

幻想當你拎住部 iPad（ http://www.apple.com/hk/ipad/），可以控制全屋家電，開燈熄燈，開冷氣着熱水爐，播片聽歌……諗起都開心。
其實背後只需一套智能家居系統，不過，以前要安裝，幾乎要全屋大裝修，如果入伙後先搞，老婆大人肯定 say no！好彩而家新一代智能家居好易安裝，幾乎只須在電掣位落手，俾少少錢就可以有輕鬆生活，老婆最贊成！

豪宅必備

不少新盤用豪宅概念包裝，為增加吸引力，都大玩智能家居系統，好似今年開賣的馬鞍山迎海（ http://www.doublecove.com.hk/）、銅鑼灣曦巒（ http://www.soundwill.com.hk/tc/our_operations52.php）、深水埗海峯（ http://www.thevista.hk/）、西灣河 18 UPPER EAST（ http://www.18uppereast.com/）等，大肆宣揚業主可以用一部 iPad控制電燈、窗簾及大堂大門開關，部分仲有埋漏水、煙霧探測，等業主外出時都可以監察家居。

母須裝修

以前玩智能家居，幾乎要全屋拉過電線，一定要入伙前搞掂。不過，今年 PCCW推出 Smart Living（ http://smartliving.hkt.com/chi/）就講到明毋須裝修，只要改電掣、加部機就玩得，而且屋內屋外都可以控制到。價錢幾多？兩萬零蚊有交易。

放大圖片

場地提供：祥益地產（ http://www.manyw.com/）

放大圖片

全靠 ZigBee

放大圖片

玩得智能家居，一定要識 ZigBee制式。 ZigBee其實是一種 Wi-Fi技術，接收範圍亦同 Wi-Fi相近，而 ZigBee的傳輸率及用電量都較低，長期運作都不會過熱及太耗電。不過，由於只可以傳輸簡單的信號，例如只可控制開關，所以只能用於控制電燈同電動窗簾。

一機操控電器

智能家居可以讓用家一機控制電視、 Blu-ray機、音響，毋須逐個遙控掣 㩒。今次 PCCW這套簡易安裝系統，主要靠一個中央控制器去模擬遙控器發出的信號，方法是由中央控制器拖出一條附有紅外線發射器的線材至電器前，就可以用 iOS（ http://www.apple.com/hk/ios/）或 Android（ http://www.android.com/）裝置下達動作指示，經中央控制器將指令傳至線材，模擬出相應紅外線信號。由於中央控制器有學習功能，只要家電用紅外線遙控，基本上就控制到。另外，中央控制器可連接網絡硬碟同電腦，用家可經 iOS或 Android裝置點播硬碟內的多媒體檔案，爽！

放大圖片

用一部智能手機或 tablet就可以控制全屋燈光同家電，睇片、熄燈、校大細聲全部一個 app搞掂。

放大圖片

只要將中央控制器上面的紅外線發射器（紅圈），對住家電的紅外線接收位，就可用 iPad控制所有功能。

放大圖片

保安漏洞

用智能手機控制全屋家電固然好玩，不過亦要注意保安問題，因為一旦遺失智能手機，隨時俾人入屋爆竊。想用得安心，最好將安裝智能家居 app的裝置設定好鎖機密碼，就算執到部機都不易被盜用。另外，由於智能家居須靠無線操作，如果網絡發生問題，就會成套系統失效。

操控原理

放大圖片

中央控制器會用 Wi-Fi連接無線 router，只要一收到 iPad指令，就會經線材發出對應的紅外線信號，控制家電作出反應。

土產一插即用

PCCW的智能家居系統雖然已算簡單，但始終要搵顧問評估同專人安裝，而本地品牌普樸系統（ http://www.propagation-systems.com）推出的智能家居套件，就只須在電器插頭前加插一個接收器，並在家中安裝一個 Wi-Fi中央控制器，用家就可以用手機上網，遙距將開關電器指令經中央控制器無線發送至接收器，雖然功能簡單，但如果只想夏天返屋企時有冷氣，冬天一入屋電熱水爐已煲滾水就最適合。

放大圖片

Wi-Fi中央控制器同接收器分別售$4,000及$320。

放大圖片

接收器會自動連接 Wi-Fi中央控制器，並根據先後次序以「 device 1」、「 device 2」顯示，想分辨不同電器，之後加番圖示就得。

未來更智能

放大圖片

Panasonic推出的智能電器種類多，不過就一定要用 Android系統先控制到， iPhone免問。

用 app控制全屋電器，未算終極玩法，加埋語音操控，以及 NFC無線配對先至夠潮。

植入 Android

放大圖片

出門前只要將衣物放入洗衣機，出街後就可以用手機上網輸入洗衣粉同柔順劑量，設定幾時開機洗衫。

日本 Panasonic今年率先推出智能電器，當中包括洗衣機、雪櫃、冷氣機、電飯煲等，只要在 Android手機裝個 app，就可以睇到部電器的使用狀態、耗電量，亦可做到遙控開關、設定等，雖然只限日本出售，但相信香港好快會有。
網址： http://panasonic.co.jp

平價智能鎖

放大圖片

就算出門口忘記帶門匙，都可以用手機遙距開門，大頭蝦必備。

智能家居當然要有智能鎖，但安裝過程繁複。最近美國公司 Lockitron就開發同名智能鎖，特點是安裝簡易，只須套在原有門鎖上。智能鎖可以連接上網遙控開關，亦可以啟動藍牙功能，認可手機行近門鎖就會自動開門，最重要是只賣 149美元（約$1,160），平玩最適合。
網址： http://lockitron.com

Siri幫手

放大圖片

只要對住 Siri講，就可以控制到燈光同電器，如果支援埋廣東話，就認真一流。

美國影音公司 Carnes Audio Visual聯同智能家居系統開發公司 Crestron，設計出一套用 iOS的 Siri（ http://www.apple.com/hk/ios/siri/）語音功能，控制全屋家電的智能系統，例如可以口調校電視音量、調節冷氣溫度等，好玩又實用。
網址： http://www.carnesaudio.com

放大圖片

只要在 Facebook以「 NEXT 3.0」為關鍵詞搜尋，或以手機的「 QR code」 app掃描，就可以睇到更多新聞同產品情報。

壹週刊 - 1181 - 智能生活派