蘋果日報- 詹培忠：冇錢點蝕五億

詹培忠：冇錢點蝕五億

■詹培忠質疑張震遠「錢從何來」。羅君豪攝

【本報訊】前金融服務界立法會議員詹培忠證實，張震遠兩年多前曾透過中間人向他借800萬元，但張已還清欠款。他憶述該中間人當時指張「急用錢」，並開出一個月的期票予詹，要求先滙款應急，但詹及後入票卻一度「彈票」，詹昨指：「我覺得有啲奇怪，點解作為一個商品交易所，幾百萬都係幾唔方便（意即缺錢）」。

促交代為何獲發牌
身為張震遠「前債主」的詹培忠昨出席港台節目前接受傳媒訪問，質疑張震遠「錢從何來」：「大家亦聽佢講，話佢係一個窮家人、冇錢；咁冇錢又點有資格蝕五億幾呢？」


詹認為財政司司長曾俊華、財經事務及庫務局局長陳家強，以至證監會都要交代上屆政府為何會發牌予商交所，過程是否公平公正，梁振英政府更加要「自我檢點」。他直認有聽過大地產商借巨款予張震遠的傳言，並意有所指道：「香港冇資源，土地就係香港嘅資源，市建局掌握呢個資源。」


對於張震遠不辭行會，詹憤言：「呢個政府唔係（只屬）梁振英先生一個人，亦都唔係（只屬）張震遠先生一個人……會唔會張先生涉及誠信問題？絕對會！佢係紅人，係行政會議成員，社會市民絕對有資格、有理由質疑佢誠信。」他指特首理應辭退會損害政府管治的行會成員，並反駁張震遠強調商交所是私人公司，不影響政府管治權威之說不恰當。