只是过客: 香港電視《警界線》導演：政府不公，決定佔中 | 主場視頻

2013年10月16日星期三

香港電視《警界線》導演：政府不公，決定佔中 | 主場視頻 | 主場新聞

香港電視《警界線》導演：政府不公，決定佔中

2013-10-16 17:00:03

政府否決香港電視(HKTV)的發牌申請後，《警界線》的總導演蘇萬聰，今天接受《主場新聞》訪問時，指會因政府的不公平裁決而參與佔領中環運動。

呢度有創作自由；呢度（我）得到尊重。
全隊人用年幾兩年時間、比荷里活制作更加認真，做咗一件無愧於心嘅事情，但係而家被扼殺，原因不明，好唔岔氣。冇後悔（加入HKTV）；唔關香港電視事、唔關王生事，我地完全係輸咗畀政府。對政府好失望、痛心，原本唔想去佔中，而家都想佔中。

在TVB工作20多年，曾擔任《衝上雲宵》（第一集）、《潛行狙擊》導演的蘇萬聰，兩年前受王維基親自邀請轉入香港電視，導演作品包括早前試播大受網民歡迎的《警戒線》。蘇萬聰指，當日王維基承諾，HKTV的員工可享創作及製作自由，令他們覺得加盟HKTV會有發揮空間，決定過檔。
蘇萬聰形容TVB是「一間好健全嘅工廠」，HKTV則是「新世界」，同事間的氣氛及士氣亦差天共地，HKTV的員工會自發地希望將作品做好，對劇集質量的要求亦比TVB高得多。

HKTV對劇集質素要求高好多。TVB基本上係冇太大要求，有正常東西出街就算，積非成是、麻木咗，都唔知自己問題喺邊。HKTV唔係自說自話，拍完套劇會做好多focus group，搵受眾嚟睇畀comment；我哋不斷去改，希望得到大眾認同。
嚟到呢度，大家好齊心，不為什麼、只係想做好一樣嘢，用新技術、新組合，喺弱勢底下，卡士唔夠人好，就用多幾倍時間，希望以創作、製作質量（取勝）。

雖然裁員對他影響不大，但蘇萬聰對年青員工的去向非常關注。他指，香港電視剛剛培訓出一批新晉製作人員，對他們不得不離去感可惜，亦認為政府昨日的決定對行業新血而言是一個打擊。
被問到會否返回TVB，蘇萬聰指「已經做慣呢個模式，未必會接受舊模式。」至於HKTV製作的劇集會否被TVB買回播放、若真如此會否不滿，蘇則笑指：「我相信未必會喺TVB播，TVB咁多優質劇集，都唔需要《警戒線》啦，佢有《神鎗狙擊》呀嘛！」

香港電視《警界線》導演：政府不公，決定佔中 | 主場視頻 | 主場新聞

Joe Lo · 宣道會陳瑞芝紀念中學

官逼民反！

Reply · 8 · Like · Follow Post · about an hour ago