過來人：唔好諗住搵好多錢
台灣有咩抵讚 港人移民Jacqualine話你知
■Jacqualine與台灣丈夫及女兒合照。受訪者提供圖片
【本報訊】移民異地，重新開始，有移居台灣的港人指，台灣薪金水平一般較香港低，若決心落腳台灣必須調整心態，「人工雖然低過香港，但已經足夠生活，唔好諗住要搵好多錢。」
Jacqualine二十二歲時移民台灣，在台生活了十四年，與台灣丈夫及兩歲半的女兒居於新北市一間約八百平方呎自置物業。她認為港、台最大分別是台灣有全民健保計劃，「喺香港睇私家醫生隨時要花幾百蚊，台灣人每月畀健保費，去睇門診、牙醫，只係畀約一百五十蚊台幣嘅掛號費就得，藥費同醫生費都係政府畀錢」。
教育制度完備
Jacqualine在台灣一間國際會計師行從事培訓工作，坦言薪金與香港或其他地方「差一大截」，但「台灣搵、台灣使」，已足夠開銷，具海外學歷、專業資格港人在台找工作不算難，不過她提醒港人若決心定居台灣，必須調整心態，「唔好諗住要搵好多錢」。
有孩子的Jacqualine指台灣教育制度完備，「唔使好似香港咁，要擔心個小朋友冇書讀，周圍撲！」她說移居台灣的港人朋友，一般不急於置業，「好多人都係同朋友夾份租屋，每個月畀幾千蚊台幣搞掂」。
在台北定居逾十年的簡小姐也說，初定居台灣的港人一般先租後買，「台灣嘅租金同樓價都平過香港，可以搵房屋仲介公司幫手搵，亦可上網搵屋都得」。她提醒擬在當地置業的港人，當地部份銀行不接納非台灣永久居民做樓宇按揭，「要有台灣永久居民做擔保」。
簡小姐續稱，台灣人重禮儀及人情味，「只要以禮相待，台灣人都樂意幫你，但當地政府同機構好多嘢都未規範化，每個人都有唔同嘅理解，慣咗快速有效率嘅香港人，要畀啲耐性，學識慢活」。
■記者譚靜雯
上一則: 港人遷台創新高 去年逾七千人獲批居留
下一則: 廠商：香港越睇越唔對路
HH
没有评论:
发表评论