歐洲加價10% 仍較港化算
【本報訊】Chanel是次在全球調整價格，務求令各地價差、和以歐元計價的「總壇」巴黎比較，上落相差不會超過一成。有業內人士指，現時Chanel雖然在歐洲加價10%，但價格調整後，部份款式仍會較香港「平少少」，加上歐元今年內繼續插水機會甚高，故消費者年內如有前往歐洲計劃，順道去「掃貨」仍然化算。
南韓越南杜拜亦降價
Chanel將由四月八日起在歐洲開始加價，其中經典手袋11.12及2.55款式，會由原本的三千五百五十歐元，加價10%至四千二百六十歐元（即折合約三萬五千港元），加價後仍較香港便宜二千元或8%。不過，另一款手袋Boy Chanel，歐洲由三千一百歐元加價至三千七百二十歐元，香港減價後會平近九百港元。
另外，今次Chanel除了香港，在中國、南韓、越南、泰國、杜拜及俄羅斯都會下調定價；而日本、美國、英國及加拿大，價格則維持穩定，消費者出外旅遊時可留意。
GIC環球信貸主席王瑤自家收藏Chanel袋超過十個，對於是次Chanel減價，她指再購買與否要視乎款式，「除非佢出啲我未有的款，又吸引到我的，咁先會落去買。」王瑤又指，朋友過去在歐洲買袋，連退稅仍平本港售價兩至三成，隨著近年歐元跌勢，最誇張情況兩地價差可高達五至六成，故認為Chanel在港減價無可口非。
名模琦琦稱如在港有空會去專門店巡下，但不心急入貨：「我大部份Chanel都喺歐洲買，款式多啲又平啲。依家香港減價，有時間會去望吓。」
■記者吳綺慧
上一則: 高盛料歐元跌至6.2算
下一則: 元朗奶粉城老闆 為解放軍中校
I
没有评论:
发表评论