【衝世界紀錄】氣袋沙田喪跑24小時 成日流流長點捱？
24小時，係一日的時間，有十多名香港長跑好手，5月14日早上開始在沙田香港體育學院圍圈跑，不停跑，跑到聽朝9點為止，誓要創造10人24小時跑2,000公里的世界紀錄。一日流流長可以做好多嘢，呢班氣袋又點樣去涯過漫長嘅一日？
「超級馬拉松」係指跑超過42.195公里（全馬）的馬拉松賽事。一班之前已多次征服過超馬的氣袋組成的「香港精神隊」，帶領十多名隊員挑戰24小時超馬的，是三次香港毅行者冠軍、「毅行者先生」陳國強（KK），今次隊員來自五湖四海，除了去年底退休的前消防隊目KK，還有教師、測量員／師、公務員、郵差等。KK話，現時10人24小時跑的世界紀錄為1,600公里，今次他們的目標是沿體院每圈1.17公里的緩步跑徑跑超過150個圈，咁就好穩陣可以打破紀錄，現場亦會有世界紀錄協會的認證官全日從旁認證。
有「毅行者先生」之稱的陳國強KK，現時率領十多名氣袋喪跑24小時至聽朝9時，圖打破10人24小時跑的1,600公里世界紀錄。
今次挑戰在沙田體育學院的緩步跑徑進行，每圈1.17公里，換言之10人跑了超過150個圈就可打破紀錄。
「香港精神隊」由一班已經征服過超馬的長跑氣袋組成。受訪者提供圖片
要跑24小時，補充體力固然重要，但因為跑到味覺都麻木，所以每次補給都會飲不同飲品，包括俗稱「電油粉」的開水能量補充劑。
「很多人問乜嘢係香港精神？就係當係遇到最辛苦、最艱辛時，你都堅持唔好放棄，這一種就叫香港精神。我哋覺得唔少香港人遇到辛苦就好易放棄，經常唔去堅持做一樣嘢，但我哋就覺得，其實遇到乜嘢困難都唔應該放棄，我哋今次挑戰就係想證明畀大家睇，無論幾困難都可以做到。」KK說。24小時持續跑，咁點食三餐？KK話呢一日佢哋會至少補給30次，即平均45分鐘一次，邊跑邊食，而且因為跑得耐，個人會跑到味覺都麻木晒，所以要梅花間竹飲食不同味道的東西，「尤其跑到十四、五個鐘時，真係要跑到有點靈魂出竅。」
食物方面亦會選擇不同味道及容易消化的，以刺激味蕾。
「香港精神隊」提倡「堅持不易放棄」，隊員透過今次挑戰，身體力行展示的這種香港精神。
記者：余瑋
攝影：徐振國
I
没有评论:
发表评论