【電腦巡場】盒子專用卡拉OK咪 可調校高/低/迴音
近排有否發現隔籬鄰舍，忽然多咗好多人唱卡拉OK？原來最近腦場這類對應「小盒子」專用的咪仔，非常熱賣！REMAX就剛推出了一款－－K02 Microphone。
機身顏色有金、銀及粉紅三種選擇。
這款卡拉OK咪最大特色，係可以接駁手機、平板、電腦，甚至盒子唱卡拉OK；最大賣點是機身內置有高音、低音、音量及回音調校，令人使用起來時，「K房」感覺更加強烈；另一體貼點是使用內置鋰電池設計，使用USB接線就可以充電，實用性非常高；賣街價錢亦唔算貴，新機到場價為$199。
不過買機之前，記者有少少購買指引畀大家：我知道大家唱K時真係會好圖醉，不過住隔籬屋的未必會有你同樣的感受，可以就細聲一點；另外調高Echo真係唔會令首歌好聽咗，不過「走音位」加迴音，隔籬屋的人會感受到你的歌聲「繞樑三日」！另外，用盒子唱K，可能令你感到好平'好抵！不過亦唔好唱太夜，要小心保護自己的聲帶。
查詢：展昇（深水埗黃金商場地面42至44號舖）
記者、攝影：朱崇德
I
没有评论:
发表评论