【炒iPhone7】香港大莊最新報價 7 Plus首日料最少賺千幾蚊
iPhone 7及iPhone 7 Plus將於9月16日香港開賣！香港大莊終於在開賣前早一日的凌晨，報出直接出貨國內大莊價錢。
iPhone 7（4.7吋）原封香港行貨炒價
iPhone 7 Plus（5.5吋）原封香港行貨炒價
如果做過果農、炒過iPhone，應該都有被人牽着鼻子走的感覺！所以話唔好炒賣，價格往往由擁有最多機的莊家及大陸莊家所定，而你往往因為「超買」而急於放機，形成被人「撳住搶」的惡果。話說身邊朋友經常問記者，今次iPhone 7開賣，是否炒燶了，最新報價終於在9月15日凌晨出籠，細機iPhone 7一如所料好多見紅、低於招股價！至於被人看高一線、有雙鏡頭坐鎮的大機iPhone 7 Plus價位稍好。不過今年多咗一樣叫「海鮮價」，就是亮黑及其他極罕顏色，預計在正式開賣後才會有報價。
如果有留意炒機行情，都會發現今次iPhone 7的價單，是歷年來最遲有報價的一次；以往在官網開始有得撳機時，往往會同步出台；今次iPhone 7差不多遲了一個星期才有報價，可見一眾莊家對機價無信心，不知整體貨量而難於定價。話說9月16日發貨前一日為中秋節假期（9月15日），所以Apple方面足足提前了兩日（9月14日）派貨落場，所以好多大莊在收貨及清點後，終於知道哪些機會較多貨或缺貨，並在同日的凌晨時份開出了「大莊價」！
一如預料，iPhone 7（4.7吋）是一片機海，當中尤以32GB及128GB較多，所以「原封行貨」都要以-$88至-$98損手離場，至於最大容量的256GB情況稍好，大概有一百幾十的進帳。iPhone 7 Plus（5.5吋）大機情況相對較樂觀，一機在手都可以賺取$1,100至$1,412不等；今年新玩的「海鮮價」非常特別，當中包含機種分別為iPhone 7的128GB亮黑、256GB亮黑及iPhone 7 Plus的32GB黑、128G亮黑、128GB金、256GB亮黑等六部；大莊方面表示，基本這六款機在首輪派貨會較缺貨，不過他們仍有一定貨量在手，至於大陸買家如果想要貨，須要在開賣前預先提出要機數量，但價格會在9月16日開賣後，再看市況及幾多果農放賣這六部機，再在開賣首日朝早定價，預計一定會被重點性炒起。
據不願透露行內人分析，今次這個「原封香港行貨炒價」，可以用歷年炒賣iPhone最低價的一次形容：「須知呢個價，係開賣首日、第一輪貨嘅價錢！有啲低過招股價、穩執都係千零蚊，相信開賣後、好快再插水下調一啲都唔奇！不過果農要留意，今年香港炒機玩法與往年好唔同，香港的大莊今年已經開始同國內收機大莊有直接聯繫，所以現在所見的『大莊價』，是意指香港大莊對國內大莊的直接『對口價』，如果你想喺先達或街邊檔放機，放機價可能還要再減上$100至$200，幫補『拖工錢』及店舖收機費。近排好多人鬧我哋唱淡風、想壓價執平貨，我只想講我哋都係睇住大莊個價嚟做，其實炒價愈高、交投愈旺盛，我們這類放機舖頭先最賺錢，正如iPhone 4及iPhone 5的年代；相對iPhone 6s是暫時歷史上，價錢壓得最低的一次，而先達亦是在這段時間最多舖頭要執笠的時間，不是有意唱淡風，只係想大家小心衡量才好入市。」
記者：朱崇德
I
没有评论:
发表评论