私生門
2012年03月09日
回應私生子傳聞，唐英年雖然無力招架，但好歹挺起胸膛，保護「第三者」，斬釘截鐵說，不想任何人傷害「他們」。這樣回答，傳媒理所當然唔收貨，新聞發酵得幾日，隨時又要勞煩唐太出馬，眼濕濕為老公擋箭。這樣下去，唐太如假包換是希拉莉，唐生就算沒有銀髮，都似足港產克林頓。克林頓上到位，全靠第一夫人死撐。唐英年假如回尾槍使得，最終贏梁振英半個馬鼻，榮耀肯定歸於唐太。這位未來 1A，坐正之後，還是要一把鼻涕兩公升眼淚替特首老公背鑊，諗起就慘。
唐生回應私生子傳聞，坊間很多人替他肉緊，曾特首也是其一，自忖口齒超凡的他，大概會這樣回應：「為官四十多年，絕對冇徇私，別說私生子，連私人飛機私人遊艇都冇，頂籠應朋友邀請去坐下，但朋友點可能搵我去包生仔？」挺唐的任總也開腔：「唔好以為地產搵錢，就係地產霸權；亦唔好以為闊少都係到處留情，你估唔驚第日爭產？」唔跟蠢人做朋友的星爺忍不住接嘴：「家下爭做特首，唔係爭床，私生又唔係雙非，又冇超生，唔使拉去絕育係嘛。」
（陳也）
没有评论:
发表评论