壹週刊 - 1115 - 娛頭 4億遺產零增值 爭產情仇 煙消雲散 祥嫂：當初何必搞成咁！
壹週刊 第1115期 請選擇文章 娛樂名人 娛頭：4億遺產零增值 爭產情仇 煙消雲散 祥嫂：當初何必搞成咁！ 探熱針：落機送上門 阿Sa日夜慰威廉 豪語錄：建築學 吳彥祖 同你吟一吟：林青霞 打真軍唔加料 同你吟一吟：Sammi上海呻苦命 同你吟一吟：徐濠縈阿Q精神 同你吟一吟：高海寧胸戰失敗 道歉：本刊1114期報導《呂良偉秘密生女20年》 同你吟一吟：黃日華跣爆何麗全 同你吟一吟：古仔吳彥祖冇對手 同你吟一吟：馬德鐘晒靚仔 同你吟一吟：張可頤唔妥諸葛梓岐 同你吟一吟：張耀揚陳子聰護花招數 探熱針：李克勤25年第一次 探熱針：栢芝全控嚇走環球 探熱針：開班教飄移 李泳豪發奮銀 探熱針：搶冠軍位谷飛 林峯神話幻滅 執手尾：判監三年 Ba叔入獄前託孤劉華 爆陰毒：呂慧儀抗命玩換裙 嘟姐無符：邊輪到我俾意見！ 肥過龍：新碟賣二千 爆磅鄭融被迫抖暑 國台扮：Selina未婚夫 出書插庾澄慶 國台扮：陳喬恩收視毒藥 國台扮：范冰冰變BJD娃 好男好女：陳展鵬 變節後遺症 社交圈：最緊要有伴 私家居：花居
娛頭
4億遺產零增值 爭產情仇 煙消雲散 祥嫂：當初何必搞成咁！
2011年07月21日
曾經搞到滿城風雨的「鄧家爭產案」，作為母親的祥嫂（洪金梅）與四名她口中的「紅 衞兵」仔女爭產風波，持續十年之久。但親情終歸勝過金錢， 06年一家破冰重圓，爭產情仇煙消雲散。無晒隔夜仇的祥嫂與小艾，合力為離世 14年的父親，一代慈善伶王新馬師曾（鄧永祥），推出一系列經典金曲發燒碟，並計劃重開酒樓「楚留香」，為鄧家的完美結局作紀念。
日前兩母女在元朗重塑的「永祥苑」緬懷祥哥生前點滴時，亦齊齊開腔分享破冰感人經過。由接到女兒破冰電話一刻，祥嫂說心裡只有痛沒有恨，更嘆謂：「當初何必搞成咁！」而小艾一句：「無埋媽咪我會好遺憾！」觸動兩母女抱頭痛哭。
○四年破冰失敗
在元朗大屋「隱居」了四年的祥嫂，在女兒小艾陪伴下，終於打開家門，在家中向記者展示每一件懷念祥哥的物品。祥嫂家中擺設及金碧輝煌的家具，都跟昔日一家六口住在永祥大廈的家如出一轍。懷念祥哥同時，反映出六十五歲的祥嫂心裡一直想重塑昔日完整的家。○六年十月，她在壽宴與曾形容為「紅 衞兵」的四個子女三吻泯恩仇畫面前，鄧家早已在人月團圓的中秋節成功破冰。
坐在鄧家標記的宮廷梳化，祥嫂開腔講與四子女的破冰經過，當下都變得溫和，並眼泛淚光。畢竟過去那段與骨肉相爭產的日子，無論誰對誰錯，如在她身旁的小艾所言，雙方根本不好過。
九六年鄧家爭產，擾攘十多年。○四年母親節，初為人母的小艾因記掛母親，首度嘗試破冰，託人向祥嫂送上果籃及問候咭示好，但失敗而回。小艾說：「送果籃俾媽咪，但當時佢無反應，或者佢剛剛為酒樓股權打完官司，佢仲嬲緊，我怕再俾媽咪拒絕，唯有將心底話寫晒 喺一張咭，但最後我連寄出去 嘅勇氣都無。」
放大圖片
96年夾去打官司
當年鄧家子女跟母親為爭產決裂，小艾同兆榮、碧玉夾住父親祥哥去律師樓搞分產手續。
放大圖片
元朗永祥苑
客廳梳化是九二年朋友送給祥哥祥嫂的結婚禮物，遷出永祥大廈到搬陽明山莊及現居，祥嫂仍一直沿用，十九年布料殘晒都寧願換布不拋掉，盡力留住與丈夫的點滴。
放大圖片
飯廳的一 枱一 櫈，同樣是她與祥哥至愛的宮廷 feel。
放大圖片
花園
二萬呎家居，包括一個寬大的花園及泳池。不懂游泳的祥嫂，設泳池是給孫兒同狗仔游水耍樂。
放大圖片
祥嫂保留住祥哥生前收藏的煙槍及購自法國的煙燈。
放大圖片
這個一家四口的啄木鳥水晶擺設，今時今日跟子女和好的祥嫂笑住講：「係某年自己過生日時買俾自己 嘅禮物。鳥媽媽睇實四個紅 衞兵仔女，哈哈！」
放大圖片
祥嫂同小艾坐在元朗大屋的客廳，齊齊為祥哥的新碟附送的相集揀相，兩母女有商有量好和諧。
放大圖片
○六年十月祥嫂擺大壽，子女忽然現身兼互吻泯恩仇，為鄧家爭產畫上句號。
童言破僵局
對女兒首次破冰不為所動，祥嫂解釋氣難下：「果籃送到 嚟，有張咭寫住：『媽咪，我好掛住你，希望你可以俾個機會大家。』雖然內心一直有牽掛佢 哋，呢種係天性，但因意氣未消，個人亦未睇得透徹，思想未廣闊，於是我叫工人攞走果籃。」
雙方關係繼續僵持。○六年兆榮的三歲兒子，在永祥大廈頂樓見到爺爺的靈位，童言無忌，問怎麼沒有 嫲 嫲，又問是否死了？令鄧家大人不知如何應對，卻一言驚醒夢中人。於是小艾第一個主動致電母親，抑壓已久的記掛，小艾說當日劈頭第一句就直接講：「媽咪我好掛住你，不如大家出 嚟食飯慶祝中秋。或許佢（祥嫂）對我咁突然 嘅邀請 嚟唔切反應，媽咪 喺電話呆 咗幾秒先答應。為 咗表示我 哋誠意，阿哥兆尊同細佬妹之後逐個打電話俾媽咪。」
說到那個破冰電話，幾硬淨的祥嫂，因十多年的孤清被觸動，情緒帶點激動說：「 嗰刻喺電話無言幾秒，係因為……（哽咽續說）我內心 嘅痛苦湧晒出 嚟，既然今日大家都明白親情可貴，當初何必搞成咁。聽到佢 哋電話，幾執着 嘅祥嫂都心軟，嬲過就算，經歷過家變，好深切體會一家人 嘅珍貴。」
放大圖片
祥嫂閒時打理果樹過日辰，她的花園種了幾棵荔枝同芒果樹，訪問當天她向記者展示其收成，感受到她歸於平淡的滿足。
放大圖片
兩母女在花園一齊摘芒果，場面好溫馨。小艾說：「祥嫂依家得閒就操下曲，插吓花種吓 嘢，呢種生活佢其實一直好嚮往。」
夜靜思過
放大圖片
爭產前雖經常一家幾口亮相，但從小艾的表情就知當年她跟母親經常貌合神離，無乜偈傾。
十多年為官司不相往來，再次見面，恍如隔世。小艾說到在中環蘇淅會跟母親的破冰飯局，帶點哽咽說：「當刻我 哋一見面大家就攬住，感覺係前所未有 嘅溫暖，雖然好激動好想喊，但大家都抑壓住，爭產件事已經好似俾人感覺係一場鬧劇，依家又突然和好，唔想俾人睇到喊晒似鬧劇，所以 嗰晚大家都忍住。」
過往跟子女有隔膜的祥嫂，破冰之後願意向子女打開心扉，把過往做惡死專橫母親的苦衷道出，與小艾彼此剖白十多年來的孤單痛苦，結果兩母女相擁喊足一晚。
講起祥嫂就鼻子一酸：「過往十多年，我經常夜靜思己過，頭家搞成咁，我檢討自己錯與對。知道以前我太投入着緊老公事業、物業同健康，忽略 咗仔女，針無兩頭利，我選擇擺晒時間精神 喺老公身上，就預 咗同仔女關係疏離。我唔想由第二個服侍祥哥，否則第五任祥嫂接上去，所以我要霸住個位，但當時仔女入世未深，佢唔明我苦處。
「今日小艾亦都經歷過兩段婚姻，知道妻子同母親不易為。當年為 咗壓得住仔女，我一言堂政策，當時我 喺佢 哋心目中係無商無量 嘅阿媽。不過人係要有經歷先反省，依家知道同仔女坦白溝通好重要。我做阿媽要識包容同原諒，否則我內心也不忍，亦對祥哥唔住。依家最開心就係仔女成日 嚟探我。」
4億遺產
祥哥離世後，剩下 4大遺產，當中包括永祥大廈、西貢坑口 4萬呎地皮、筲箕灣楚留香酒樓鋪位以及澳娛股份，據估計當時遺產總值高達 4.2億港元，夠鄧氏子女用過世。鄧兆尊曾表示單係遺產稅便高達八千萬港元，可惜經過 97金融風暴洗劫，鄧氏資產大縮水，唯有變賣套現。 03年，鄧氏子女以 9,540萬港元將永祥大廈售予東華。
Sport祥哥少見
放大圖片
羽毛球
祥哥亦係球類發燒友，足球，羽毛球及桌球亦全難不倒他。
放大圖片
飆車
祥哥熱愛電單車，到五十歲才被兒女以安全為由，停止駕駛。
放大圖片
燒槍
身為槍會副會長的他，在大霧山玩槍，身後陪住嗲地的兆尊及小艾則通山跑當郊遊。
祥嫂變小孩
當日互不相讓，今日互相體諒。「阿媽令我最感動一番話，就係講：『無論仔女對與錯，做阿媽 嘅始終會企 喺仔女 嗰邊，一定支持我 哋。』佢話呢番話埋藏 喺心裡面十幾年，等到 嗰晚終於可以講出 嚟。我做仔女何嘗唔係等緊團聚和好呢一日，其實 嗰十幾年大家都好痛苦，我同媽咪講：『我已經失去 咗爹哋，唔想無埋你，我唔想再有遺憾。』
「以前唔理解媽咪點解咁惡，依家明白佢當日唔係咁惡咁硬淨，爹哋就唔會有呢番事業，佢 嘅惡係環境所迫。」小艾說。
小艾說祥嫂這幾年間變得祥和，昔日硬淨打天下的母親，今天如小孩子一樣，整天愛被家人呵住。
「依家媽咪 嘅慈祥同溫柔係以往從未見過，佢好 enjoy做番一個小女人。成日要黐實仔女，連阿哥剪頭髮佢都要跟埋去。以前我 哋想表達意見，佢會叫我 哋收聲，依家同我 哋好多 嘢講，仲成日問：『阿女，我頭先講 嘢有無過分 咗？』之前佢為 咗要揀最新鮮最靚 嘅生果俾仔女同孫食，半夜起身走去果欄入貨，又經常七、八點起身同工人去街市買 嘢 㷛湯，到下午就車出嚟送湯俾我 哋飲。我同媽咪講，我 哋係仔女，受唔起佢咁做。
「之前雙方錯失 咗十幾年 嘅相處時間，往後日子我要補償番俾媽咪，我唔心急搵伴侶，因為我要將時間俾晒媽咪。」
放大圖片
當日兩母女與負責統籌祥哥經典金曲發燒碟的新娛國際老闆丘亞葵及幕後人葉鏡球開會，將於八月會推出五張碟咁多。包括萬惡淫為首、胡不歸慰妻及客途秋恨等經典名作。
放大圖片
祥嫂話當年祥哥出 嘅唱片，前期的封套都是他親自設計，其設計風格，就是會把打麻雀、擲骰仔、下象棋等自己的興趣作為封面圖案。原來永祥大廈前名叫祥雲大廈。祥嫂說：「祥哥話暈一日都死，仲要『長暈』，最後決定用番自己個名。」
放大圖片
祥哥人生最愛是第二任妻子梁添添，可惜對方死於肺病，之後他一直把這位妻子的相放在床頭。
放大圖片
著旗袍梳大髻，祥嫂早年的標記打扮，原來是迎合老公祥哥的心意。祥嫂：「因為我 哋年紀相距遠，祥哥要我打扮成熟 啲，就可以外形上拉近番，唔似兩父女。」
放大圖片
當年三十歲的祥嫂年輕貌美，吸引不少導演找她拍戲，但都遭祥哥通通推掉，原因是怕老婆入行就會被人搶走失去她。
完美句號
正如祥嫂所講，興家旺業，小艾續說：「我 哋做好爹哋 嘅粵曲經典發燒碟，打算出三十隻，八月會先推出五隻，之後再會出 DVD，又會搞新馬師曾 嘅珍藏展覽，將爹哋 嘅藝術精神延續落去，我 哋一家亦計劃重開酒樓「楚留香」，因為呢個係我 哋一家 嘅心願。」放大圖片
祥哥在生的時候，經常與祥嫂及四子女兆尊、兆榮、小艾及碧玉外出享天倫樂，對於與媽咪破冰之事，兆尊說：「 嗰陣時媽咪係細路女，佢想外闖就任佢闖，而家佢知道咩事就得啦！」
放大圖片
英國瑪嘉烈公主在六十年代時，曾來港出席藝術節活動，並欣賞祥哥的演出。
放大圖片
八歲的兆尊，曾跟爹哋同台演出粵劇。
放大圖片
在爭產風波期間，出現過不同的鬧劇，當時還未出道的官恩娜正與兆榮相戀，她亦曾於永祥大廈出現過。
爭產鬧劇
觀眾最鍾意睇嘅爭產劇，早有現實版。 96年祥哥將 4億資產轉到子女名下，引爆鄧家爭產風波。祥嫂與鄧家子女分為兩大陣營，雙方各有支持。黃夏蕙、白韻琴等好友紛紛在電台發功為祥嫂講好話；至於鄧家子女則有幫理不幫親的十一姨洪國華及九舅父支持，總之鬧劇一幕接一幕，成為當年熱爆話題。九舅父掟杯
放大圖片
96年底，鄧家爭產風波揭幕。祥哥正為東華錄影呼籲片段，祥嫂陪伴在側，小艾及兆榮突然殺出，聯同十一姨（洪國華）及九舅父，更帶埋記者直踩永祥大廈，踢門要求八舅父（洪家泉）還錢。事緣 93年，八舅父欠債百多萬，要鄧家子女做擔保，小艾及兆榮怒斥八舅父係「奸國舅」，九舅父亦一怒之下「掟杯」。
八舅父爆大鑊
放大圖片
八舅父洪家泉到新城電台在《盡訴心中情》節目中接受白韻琴訪問，爆鄧家爭產風波內幕，逐一數臭十一姨、九舅父及鄧家四名子女，包括踢爆鄧兆尊當年在加拿大闖禍，要祥嫂補鑊求情。
没有评论:
发表评论