蘋果日報- 曾志偉辭任演協會長

曾志偉辭任演協會長

【本報訊】曾志偉與無綫關係密切，對政府增發免費電視牌一事發表維穩言論而遭狠批，蕭若元大前晚又爆他曾致電鬧香港電影工作者總會會長吳思遠開記招撐發牌是搞亂香港。曾志偉昨宣佈辭去演藝人協會會長一職，成為電視風雲中首位「下台」的人物。他任期尚餘個多月，稍後將另選會長，「我辭咗會長職務，唔想我講嘢好似代表個會，咁個會要承受好大壓力」。

■被指發佈維穩言論的曾志偉承認處事欠妥當，宣佈辭職。

表態支持發牌

曾志偉昨稱，演協每個決定必經委員投票，對於導演會的聲明，演協委員並非完全通過，他們不贊成只撐單一機構，而美指會意見也相同，他說：「我有打畀吳思遠問，其實可以等多一日到周日先出聲明，大家咪一齊着黑衫支持同業囉。我承認喺呢件事上做得唔夠圓滿，係拖遲咗。」


他指昨未再聯絡吳思遠：「我哋以前次次通話，最後答案都係想大家團結，今次突然出現第三者挑撥唔好。」曾志偉表示個人支持發牌，認為發得越多對藝人越有利。


香港電影美術學會昨發聲明指所有決定由執委投票，指「美指會是曾志偉馬仔」的言論是錯誤，又發聲明撐多發免費電視牌可增加就業，斥政府的決定缺乏透明度，由申請至批准發牌的規則欠缺公平、公正及公開。