大話西遊：啱懵人的網站
5,036
做旅遊記者一年，本人終不幸中招，感染業界人士職業病──大懵。每日袋住一大抽電話號碼、資料、機票、單據周圍走，不時問自己「帶咗未？」、「幾點機？」等問題，有如瘋婦。聽聞港龍網頁最近 upgrade訂位管理服務，非馬可孛羅會及亞洲萬里通會員都用得，國泰機又 check到，是以我趁上機前順手 click入去望望。網上自助訂位管理服務，當然不是港龍獨創，不過根據本人經驗，各大航空公司網上服務總有不齊全地方。鍾意幫襯自己友，係因為網站睇得明，即使遇到最壞情況，都可打電話用廣東話向人求救。
港龍網站，指定項目如 check航班資料、更新狀況等統統有齊，最欣賞係佢係有心為旅客提供一個 happy flight。作為旅客，只要講我知班機時間、航程和邊個 Terminal出，已經好滿足，但港龍網站會專誠整個旅遊資訊欄，一次過 link去同你行程有關嘅網站，提你簽證、行李規定等鎖事。佢仲有個「抵達機場」的 column，列出行程出發地及目的地機場相關資料。白癡如我，就是經常去錯 Terminal、搵唔到機場巴士站，有咗佢，臨上機前望望，就唔怕迷失機場啦。
記者：劉嘉蕙
港龍網站： http://www.dragonair.com
没有评论:
发表评论