塔斯曼尼亞車厘子 - 馮睎乾
《飲食男女》截圖
近年流行吃塔斯曼尼亞車厘子，它特別出名，也不是沒理由的。一來因為當地氣候溫和，車厘子得以慢慢成熟，有更淳厚的果香；二是那兒有嚴謹防疫措施，杜絕害蟲，少用化學農藥；三是恰當的種植法和包裝技術。
新年前夕到超市選購賀年禮品，阿姐在推銷塔斯曼尼亞車厘子，老婆也湊熱鬧看看。塔斯曼尼亞車厘子，出名大過五蚊銀，也出名貴，慳妹自然不會隨便買。
阿姐見她思前想後，便施展「推銷三十六計」之「好嘢實留畀你」，故意壓低聲線對她說：「阿妹，話就話塔斯曼尼亞車厘子啫，但都唔係粒粒咁大咁好肉㗎，都要自己用隻眼睇清楚先好買。我問你，塔斯曼尼亞係咩嚟先？」
慳妹答道：「係澳洲一個地名。」
阿姐即刻堆起一臉「孺子可教」的表情，彷彿黃石公終於遇上張良，然後笑着說：「咁咪係囉，個地咁大，咁多果園，棵棵樹都唔同，就算同一棵樹，都粒粒唔一樣啦！你唔識揀，就算塔斯曼尼亞又點喎？最好嗰幾盒，其實我自己一早要咗，嗱，呢度剩返一盒，最靚呢盒，益你嘞！」
說得我也怦然心動了，慳妹卻笑咪咪說：「轉頭返嚟先幫襯吓。」
阿姐一張嘴確實厲害，可惜她不知道貌似天然呆的內子，實際上是隱世格價高手，每天在超市買五十蚊貨，節省的金額可達一百至三百蚊不等，有單為證，連誠哥也很難賺到她的錢，何況普通一個阿姐呢？阿姐雖旨在推銷，但所講亦未嘗沒有道理。屋企人也買過塔斯曼尼亞車厘子，八十蚊磅也大呼便宜，我一看已明白「便宜」的理由：同是塔斯曼尼亞車厘子，正如阿姐所說，也各有不同，家人買回來的，果皮不夠光滑，有些更裂開了，是以稍為便宜。What's in a name？挑選車厘子，也需要耐性、知識和眼力，不能單靠品牌，只是世上明白這道理的又有幾人？
上一則: 誰來埋單？ - 蔣芸
下一則: 原來是「經濟支柱」 - 高慧然
I
没有评论:
发表评论