蘋果日報- 隔牆有耳：「作嚇新聞」玩謝成蟲 - 李八方

隔牆有耳：「作嚇新聞」玩謝成蟲 - 李八方

影壇「大哥」成龍不時發表謬論，終於喺網絡界獲得肯定。最近開台嘅網站作嚇新聞推出報道玩謝成龍。「女主播」報道，「大哥」諗住參選特首，政綱包括中國人要管、香港人遊行應受限制、強調有奶便是娘……作嚇仲玩埋唐唐同狼振英，「女主播」話未有真普選前，香港人要自救，唯一方法係拒絕支持任何由狼英提出嘅政策。呢條長達13分鐘嘅惡搞片叫《禁失培育》，想表達既得利益者乜都想禁，民怨遲早爆破。

唔單止網站惡搞，網民更將成龍升呢做網絡神獸「成蟲」，成功打入神獸卡系列。成蟲有乜特徵？網民話佢經常依附喺洗頭水附近生活，奴性極強，同另一神獸「共狗」有特殊關係。