蘋機會：影煮編寫 一腳踢圓出書夢
2012年03月22日喺香港，精於煮食嘅女仔唔超過五成，仲要加埋靚女兼多才多藝，相信遇到佢嘅機會率極低。前新聞主播 Winnie一副標緻可人靚樣，下廚功夫極到家，更一手一腳搞電子書《女生初下廚必學魔法》，影、煮、編、寫一腳踢，親身示範煮嘢食同出書有幾 Easy，為一眾姊妹擺脫「地獄廚神」污名！
記者：韓繼聰
攝影：劉永發靚女搞電子書 幫姊妹破地獄
Baby出世感動到喊
■ Winnie話出書一方面為咗幫女生「破地獄」，一方面就係想解救男仔成日食外賣之苦。
問到 Winnie點解以煮食為題材，原來都有段故。「其實最先有諗過寫採訪奧運嘅經歷，但過咗太耐冇乜 Feel。後來諗到自己入廚咁多年，身邊又有好多朋友被人揶揄『地獄廚神』，於是就希望出本書，同姊妹們分享吓煮嘢心得。」除咗幫女生「破地獄」， Winnie亦都不忍見男生成日硬哽外賣之苦。你話喇，如果多幾個呢類人靚心地好嘅女神，香港怨氣肯定大幅減少。
雖說出電子書較簡單，但其實所花心思都唔少，「喺平板電腦見到自己個 Baby出世嗰吓，真係感動到喊咗出嚟！」 Winnie話佢本書其實仲會 Update，今個星期會有埋 Video睇㖭，電子書就係有呢度好。自砌電子書四部曲
■ 1.先定好題目，再從各方面吸取相關題材，豐富內容。
■ 2.用相機拍下書本所需相片，腳架係必要器材。
■ 3.籌劃書本風格，將文字及相片以最美方式表現出來。
■ 4.校對好後再寄俾電子書出版商，咁就大功告成等通知喇。
自己影埋相
「煮飯同出電子書其實唔難，一個人都搞得掂，先諗吓想寫或煮啲乜，然後再好好預備材料。」 Winnie提醒，寫書題材未必一次過「嘔」到出嚟，需平日多留意同記低有用資料。
其次就係影相，因為電子書毋須印刷，對相片要求唔高，基本上清清晰晰已過關， Winnie就包辦埋全書相片。「我要影好多煮食步驟嘅相，起初一邊影一邊煮，好論盡，搞到碟餸燶晒！」 Winnie伸伸舌頭裝着鬼臉。講真，就算真係燶晒，見到你個可愛樣，男生們一定照食可也。
有文有相，最後就要排版，「我主要負責版面 Style，其他嘢就要美術朋友幫幫手了。」
■除煮食內容，書中尚有 Winnie靚相集，男仔好易被電親。
■《女》文字簡單兼有大量圖片，女生睇完再無藉口話唔識煮。
■售價$18（《 24Reader》書庫 App下載）
《女生初下廚必學魔法》
作者：黃詠妮（ Winnie Wong）
查詢：光波 24書網（ 2928 2277）免費上架 踏上作家路
嘅電子書。其實只要跟足格式砌好內容，再 Send去 24Reader，佢哋就會有專人幫忙出版，仲完全免費，最後按約定分享收益。寫得好，分分鐘有人賞識，好似 Winnie咁，《女》書出版後，即有雜誌搵佢寫專欄，成名之餘更多條財路，話唔定你都可以搖身一變成才子才女。右邊兩個都係唔錯例子，不妨參考吓。
24Reader網址：http://pc.24reader.com/contactus
作者 Tony曾留學日本，勁熟日本文化。因為極愛，愛到要出書同人分享日本的各樣旅遊資訊、工作經歷、甚至奇人奇事。作者寫上癮，書本更以月刊形式出版，期期有特別主題，仲有埋發聲功能，教授相關日文用語，深受日本旅人歡迎。
■《日本手記》售價$8
■《日本手記》題材特別，內容有趣，無論去唔去日本，都值得追看。
作者雖然冇透露身份，但從字裏行間睇得出係一個好媽媽。同樣出於愛，呢位作者就愛佢 Baby愛到出書同人分享。書中記錄咗作者由決定懷孕的掙扎，到懷胎十月嘅痛苦，再到 BB出世後發生的點點滴滴，準媽媽爸爸必讀。
■《天使要媽媽的育嬰戰記》售價$30
■《天》內容其實似睇 Blog，文字排版都好簡單，卻甚具親切感。
没有评论:
发表评论