戴耀廷信有Plan B 倒梁還看遊行人數 今日之後 有機會換特首 - 20130701 - 蘋果日報

 

戴耀廷信有Plan B　倒梁還看遊行人數
今日之後　有機會換特首

■03年7.1後，戴耀廷曾相信市民上街可推動政改，但現在認為要將行動升級，公民抗命，才有希望。李家皓攝

戴耀廷不是7.1常客，若非「好㷫」，他不會上街。去年7.1，他重返街頭，「好多年前我已講，梁振英做特首，我一定上街」。80年代，戴耀廷曾與梁振英共事，親身接觸，令他感到梁振英「信唔過」。上街倒梁有用嗎？戴認為：「有機會嘅，睇埋7.1啦」。他並說，50萬人上街，可抵擋惡法，但要進擊一國兩制底線，落實真普選，則要公民抗命，蓄勢佔中。記者：雷子樂　陳雪玲

03年7.1，戴耀廷不在香港，04年元旦及7.1大遊行，他都有參與。但往後7.1，他只偶爾上街，「越㷫時越去，上年當然有去」。去年為何憤怒？「好早好早（前），我已同太太講，梁振英做特首，我一定上街。」他接受本報訪問時如是說。

感覺梁振英信唔過

87至89年，戴耀廷是基本法諮詢委員會委員，近距離觀察，梁振英極具野心、滑不溜手，「唔令人可信任佢做特首，佢做咗，所以要上街」。
當年因何事認為梁振英「信唔過」？戴耀廷說，這是一種整體感覺，「我同認識佢嘅人，都有呢種感覺。你問點解？唔知。但佢並非可令人信任」。他續說：「可能係佢性格、語言偽術……正正係所有嘢都滑不溜手、咁計算地去講嘢、越係冇漏洞，越係不可信。我接受唔到呢個人做我嘅特首。」
也不一定沒證據，戴耀廷指，梁振英上任後，政府處理外傭居權案，要求法院考慮要否釋法，「佢呢個行動想閹割司法，本身已好大問題」。處理雙非問題，梁說好了以法律方法解決，但至今只能以行政手段處理，私院一旦不合作，問題就會再出現。「佢講一樣嘢，實際佢做唔到，可能係能力問題。」

爭普選須公民抗命

不能接受梁振英，那上街倒梁會有用嗎？戴耀廷認為，倒梁與否，還看北京。他的假設是，北京希望2017政改的推手，會過渡成首屆普選特首，「呢個係最穩陣嘅做法，因為之後嗰屆係普選特首，唔係話你換就換」。由於梁振英已沒能力處理政改，因此他推斷，北京有機會在2014或之前換人，「我信有Plan B」，「有機會嘅，睇埋7.1啦」。03年7.150萬人上街後，戴耀廷疾書8,000多字，寫下《五十萬人上街的憲政意義》，結語提到「7.1大遊行的確是香港憲政發展的一個突破……香港憲政發展真的可以是在港人的手中」。十年後回望，他笑說當年的想法「好naive」，曾認為走上街頭可令政制帶來改變，但時間證明，單單上街確是不夠。
戴耀廷說，數十萬人走上街頭，可阻止某些「小事」，如23條立法、推行國教科，但要進擊北京一國兩制的底線，爭取真普選，就要行動升級，作公民抗命，「遊行可阻惡法，但未必可逼到公平制度出現。喺上街之上再加一個力度，希望有機會衝擊到」。

戴耀廷信有Plan B　倒梁還看遊行人數 今日之後　有機會換特首 - 20130701 - 蘋果日報