2016年10月6日星期四

扑　嘢 - 高慧然

扑嘢，字面解釋，身體用力擊打某些「嘢」。嘢，是香港口語，泛指東西。以我的理解，通常指物，又或者指某些人做的不討人喜歡的事情，如「你睇吓你做的衰嘢！」

如果我們用「嘢」來形容人，則往往有蔑視之意。如一個人罵另一個人：「嗰隻騎呢嘢！」、「你個死老嘢！」大婆形容老公的二奶，會一臉不屑道，「嗰隻嘢！」那個在機場潑婦似索要特權的女人，有人這樣形容她：「哦，嗰隻三尖八角、無厘貴氣嘅嘢！」、「佢老公日日返屋企對住嗰隻咁嘅嘢，真係命都短兩年。」

有一年，一對來自中國的急色男女在佛光街巴士站街燈映照下當眾野戰，這種行為，可以算得上「扑嘢」，因為扑的不過是「嘢」而已，彼此不需尊重，更無愛意可言，當然也就不需要遮蔽與私隱。正如有人在後巷見到一隻蟑螂，順手除下一隻拖鞋，用力扑打，扑蟑螂呢種「嘢」，是不需要私密空間的。

如果兩個人彼此相愛，因愛而繾綣纏綿，這兩個人，肯定不會走到公眾場合對別人說，「屋企細到豆腐膶咁，二百呎住咗六個人，平時想扑嘢都無乜機會，今日趁屋企人都出咗去食蛇齋餅粽，嗱嗱聲扑嘢！好爽！如果日日都可以扑嘢就好喇！」

一個沒有情感的動作，既無愛，亦無恥，在哪兒做都一樣，要甚麼空間？