請選擇 2011年03月07日 炒配件賺一倍 白iPad 2水貨貴二千 攝石人真相？ 迷人磁力場
炒配件賺一倍 白 iPad 2水貨貴二千
2011年03月07日
離譜！既然香港係蘋果產品最活躍「買賣」地方之一，點解會唔入選成為教壇聖物 iPad 2嘅頭二輪開售地區？作為忠實教徒兼潮人，早買早享受先係生活態度！行貨唔到惟有自己諗計搶貨，不過想買 iPad 2，都要知「訂」！
記者：王震遠
Smart Cover貴一倍 白色 iPad 2最襟炒
外形第二 最緊要快
新機未到，舊 iPad即受影響：「舊 iPad行貨價已跌咗$900，放機價再跌多幾百！」 G-World店主阿 Lo對新機幾滿意，仲話有得炒：「 iPad 2個樣、功能同速度都 OK，玩開蘋果產品嘅人都係速度最緊要，外形其次；雙核快過第一代成倍，好犀利！」
阿 Lo話炒機熱潮唔會太耐：「貨量唔多的話，或可維持個價；我預計最平七千幾，即係大約加$2,000-$2,500左右。」想直接出旺角掃水貨，佢話第一班機到香港應該係 12號早上，估計中午到先達。
放大圖片
阿 Lo攻略（ G-World店主）
放大圖片
■改用 A5雙核處理器，性能即時升呢一倍。
放大圖片
1.教主喬布斯同新聖物 iPad 2一樣，細咗半個碼。
放大圖片
2.iPad 2新加影相、拍片，感覺硬係怪怪！
放大圖片
3.傳聞 Smart Cover係抄日本浴室用品，確實估佢唔到！
放大圖片
4.iPad２都有 iMovie！
白色必搶
想搶貨可搵美國親朋幫手排隊買，但無朋友都唔使驚，阿 Lo話就算去外國排隊，都只係美國公民先買到，最多每人買兩部，機票閒閒哋花費五千蚊，絕對補唔到條數。
但如果有朋友仗義出手，應該揀邊款？「正常白色最搶手，我哋入貨都係 2:1（白：黑），簡單問你一句，你點知人哋用緊 iPad 2？見到白色咪知道囉！同埋第一批要買嘅人，多數係 3G版 64GB嘅白色，呢類人都唔志在價錢，通常都會要最大同最靚嗰隻，價錢唔使講 o架啦！」
放大圖片
■黑魂版見慣見熟，白色生面口始終有吸引力！
放大圖片
■ iPad 2仲薄過 iPad同 iPhone 4，易唔易拗斷 o架？
放大圖片
■咪以為中國人先鍾意炒賣，當年旺角拎到嘅 iPad，大部份都係由外國炒家排隊供應！
放大圖片
配件無限炒
放大圖片
■黑白色皮版 Smart Cover，售 39美元。
跟機推出嘅 Smart Cover同 HDMI線，一樣有運行：「凡係未出現過嘅蘋果產品，都有得炒！預計第一批貨可賣到雙倍價錢。」 iPad就一人一機，配件就無咁嘅限制：「正常第一轉唔會限數量，以往慣例，一、二千件都係咁訂！ Smart Cover分皮和纖維；皮版以黑、白色最搶手！纖維版勁 Colorful，入咩顏色都無所謂，鮮色就鍾意。」
炒機死線 25號降價？
上外國網頁訂又 Work唔 Work？有豐富訂外國貨經驗嘅華仁影音 Sunny就話無網頁有貨喎！「 iPad 2主要來貨都係要靠外國朋友去排隊，分分鐘要排 10萬個位！」
上過 amazon仍摸門釘：「我哋都係搵當地供應商拎貨，至怕等到旺角派貨，個網仲未有！」畀你好彩搶到，亦都要適時走貨先賺到錢：「我相信 25號前都仲有得賺； 26號後有大量貨源運到，隨時跌價 1千幾百。」
放大圖片
■當年 iPhone 4可以$18,000高價成交， eBay有人賣近三千美金。
放大圖片
■香港一樣有炒家準備放貨，不過直接購買價貴行貨價近兩倍。
粉絲有話兒
放大圖片
薄咗好多，又有 USB，功能多咗，有投資價值。
放大圖片
比舊 iPad快咗，多咗個鏡頭，有埋白色更吸引。
放大圖片
薄啲，又有白色，白色應該普遍會受歡迎啲。
没有评论:
发表评论