王力宏李雲迪 互相取消微博關注 冇朋友做？ - 20130221 - 《蘋果日報》即時新聞

 

王力宏李雲迪　互相取消微博關注
冇朋友做？

HK
$310

HK
$317

HK
$325

HK
$383

HK
$387

HK
$387

HK
$387

HK
$395

HK
$465

立即購物

• 適中字型
• 較大字型

王力宏同李雲迪曾經係好兄弟，但「找力宏」事件令雙方友情備受考驗。（微博圖片）(互聯網)

只不過係一句玩笑「找力宏」，魔術師劉謙同鋼琴家李雲迪雙方，都冇人肯認頭呢三個字係邊個度出嚟，更各執一詞，最後演變「羅生門」事件﹗
究竟呢句嘢係邊個提出呢？至今仲係一個謎。事件最新發展係，李雲迪同王力宏被爆已經取消雙方微博關注，唔通就係因為呢件事搞到兄弟決裂？連朋友都冇得做？雖然王力宏取消咗李雲迪關注，但相冊中仍見到佢同李雲迪合照，仲有，王力宏仍然有關注劉謙喎﹗
而事發後一直沉默嘅李雲迪，相隔11日後，噚日突然喺微博重提件事：「我從未建議或提出過台詞的內容。」反擊被劉謙經理人指控佢一手主導「找力宏」事件。而認證為李雲迪經理人公司嘅 「雲迪音樂」，噚日亦發表大篇鄭重聲明，再重申李雲迪及其經紀人、團隊從未建議或提出劉謙台詞内容。
聲明節錄如下：「雲迪音樂可以很負責任地告訴大家：劉謙經紀人何晃杰先生聲明中所謂『找力宏』一詞為『李先生』、『李方』、『李方經紀人』提出，很明顯，在他的聲明中，沒有出現『李雲迪』及經紀人的名字。何晃杰先生利用各種輿論和傳播渠道，欺騙大眾，這是極為不負責任且沒有任何根據的誣蔑、誹謗行為。」聲明又話希望此事能告一段落，如再有人惡意對李雲迪有不實言論，必將追究法律責任。
而事件再為最最最新發展，劉謙經理人何晃杰今午近五點，於微博留言話劉謙唔會參加元宵晚會：「劉謙因個人原因，將不參加元宵晚會，在此感謝央視和觀眾的理解和支持!謝謝大家！」但何晃杰冇講劉謙係乜嘢原因唔參加。

雖然宏迪互相取消微博關注，但王力宏相冊內，仍見到佢同李雲迪的合照。（微博圖片）
王力宏前日上載度假照。（微博圖片）
雲迪音樂噚日發表鄭重聲明。（微博圖片）

何晃杰於微博話劉謙唔會參加元宵晚會，冇講係乜嘢原因，只係話個人原因。（微博圖片）

王力宏李雲迪　互相取消微博關注 冇朋友做？ - 20130221 - 《蘋果日報》即時新聞