《西遊》喪抄逐格睇 星爺偷橋羅生門
周星馳電影《西遊．降魔篇》內地票房有望過10億人民幣，星爺頴爆頭的創作卻被網友揭發老翻日本電玩遊戲《阿修羅之怒》。被傳跟星爺拍攝時不和的另一導演郭子健前日卻直認拍戲時有參考該電玩。
周星馳當初開拍電影《西遊．降魔篇》，力邀金像獎最佳電影《打擂台》的導演郭子健孖咇執導《西遊》，該片截至前日內地票房已達8.1億人民幣，本港票房也有2,390萬，成績斐然，不過《西遊》尾段孫悟空大戰佛祖無論意念與鏡頭都被指老翻日本電玩遊戲《阿修羅之怒》。其中佛祖使出如來神掌的鏡頭與《阿修羅》有八成相似，不同的只是一個出掌，一個出指，而孫悟空發嬲的表情、揸拳和踩地動作均與該電玩一模一樣。
【相似度90%】
■《西遊．降魔篇》孫悟空的猙獰樣和《阿修羅之怒》的怪獸發怒樣（右圖），表情十足倒模。
李力持踩唔好笑
對於《西遊》抄襲日本電玩遊戲，星爺前日透過友人魏先生回覆：「特技方面全部交畀特技公司，所有都係特技公司主意，詳情問番特技公司。」不過，郭子健前日卻在電話中唱反調說：「《阿修羅之怒》我哋有睇過嘅，我同星爺都鍾意動畫，重點係點樣消化，效果OK就得。」星爺和郭子健口供明顯不同。
【相似度99%】
■這幕外太空鏡頭，似到簡直可調亂用。
蕭若元上周五為香港人網節目《風也蕭蕭》開咪時，爆粗數臭星爺惡頂：「中途就炒咗郭子健，佢plan咗任何機位，任何acting都改X晒，搞到郭子健無地自容。」對於缺席宣傳和被炒傳聞，郭子健回應說：「宣傳時我有第二套戲開緊，總之我哋冇嘢。」他表示不知蕭若元開咪爆料，他反駁說：「佢又點知我哋現場嘅嘢，佢又冇嚟探班。」郭子健大讚星爺脾氣好：「佢本身個人和氣咗，EQ高，反而我有發脾氣鬧佢。」
【相似度90%】
■孫悟空跟怪獸的發怒揸拳手勢一模一樣。
星爺舊拍檔李力持前日也在電話說：「星爺嘅巔峯作係《長江7號》，冇表情當中有表情，但呢套《西遊》仲差過《低俗喜劇》，冇理由度唔到一兩句金句，今次部戲冇拍掌位，唱兒歌嗰part我想去廁所。」他指星爺即使翻dup《阿修羅之怒》都算落本做特效。
採訪：葉雪
【相似度80%】
■孫悟空這個踩地鏡頭與怪獸踩地亦極度相似。
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
没有评论:
发表评论