陶傑寸亞視 元華拍掌
【本報訊】一班港視藝人昨重返政總公民廣場支持集會，張松枝、艾威與陸駿光等中午最先到達，與近200名港視員工拉起約4.5萬市民簽名的黑布橫額，圍繞政總行一圈。港視一哥黃日華與女兒黃芷晴亦有現身，剛脫牙的黃日華說：「純粹支持！」
■昨到政總力挺港視的陶傑與鮑起靜合照。
岑建勳：點解政府蠢到咁
其後元華、鮑起靜、林嘉華、王青、馮素波、龔慈恩、白彪、陳曼娜等到場支援，陶傑在台上發言暗寸亞視，「有啲電視台仍然播映，但好似已經執咗；有啲俾人打毒針，未足月已經死咗，但喺大氣電波仍然活着。」元華聽到即拍掌叫好；陶指出70位議員應以良心投票，不要以「狼心」投票，若以狼心投票者，以後「用廁紙包頭」，由立法會後門出入。
剛辭退演藝人協會副會長的岑建勳稱以個人身份出席，表示會留守到最後：「政府唔肯講嘢，咪焗住叫立法會用特權法，唔知點解政府蠢到咁，早啲講咪冇事囉！死喺度賴皮，搞到香港點呀？白癡！」導演陳木勝說：「我都係電視出身，政府唔應該黑箱作業，牌照係應該冇上限。」
港版「半澤直樹」舞台劇昨沒再公演，但郭鋒、張松枝和陸駿光均稱不接納政府的六頁紙聲明，郭鋒說：「收貨就唔行出嚟啦。」有指王維基於六個月內決定是否結束港視業務，郭鋒說：「個人理解係成個電視行業都冇，我冇睇電視好耐，只睇畀錢嗰啲。噚晚（前晚）《東張西望》真係好離譜、好幼稚，自己都係無綫出身，有啲失望。」張可頤約8時現身後台，透露全家總動員撐場，對於前日政府以六頁紙解釋，她說：「作為小市民、小師奶我唔接受，睇完又睇都睇唔明，我哋只係追求真相，好簡單，講港視邊度做得唔夠好。」
■藝人王青（左）和元華亦有到場聲援。
■港視一哥黃日華昨亦有現身，與一眾港視員工合照。
没有评论:
发表评论