【網上爆Post】智能平底鑊 自動監控煮靚肉扒
對應手機App，甚麼時候轉火力，還差多少時候完成，都有「專機」提示。
煮餐靚餸是令全家人都好幸福的生活情趣。不過如果煮出來的食物外燶內半生熟，食完有肚疴之嫌，就幸福都變危機。早陣子有美國公司出品了「智能煎Pan」Pantelligent，連結iOS 或 droid APP，就可以按「Start Cooking！」手機就會彈出煮食流程教你跟著做。透過平底鑊底的感應器，監控平底鑊的食物重量，鑊上油溫，及升溫情況。甚麼時候調較火喉，反轉食物，距離最佳煮食溫度還要多少時間等，統統App監控指你做。標榜「誰都以煮出完美靚餸。」設計還得到The 25 Best inventions of 2015冠軍，在kickstarter成功集資，終於可以正式生產，去年11月接受訂購，並於昨天開始寄出產品。
Pantelligent網頁上有魚、牛扒、Risotto、意粉各式餐單，而你每煮一個新菜，菜單都可儲存在App內，下次再自動監控你再煮一次。
兩粒3A電，就可以驅動這隻平底，另外防熱手柄、不黏底的鑊面、以及內置發熱感應，只要以藍芽連結手機，就可以領著你煮出完美菜式。
智能平底鑊網購價$199美元，昨天開始寄出。看罷宣傳片段的網民回應好壞參半，初入廚者感覺有它幫忙，輕易可以煮出完美菜色，最重要是給你一個入門指引，很快學會怎麼調校不同食物的生熟度，提高學習興趣。就算失敗，至少都一定「食唔死人」。另一邊廂又有網民笑他：「入廚是樂趣，俾得$199買鑊，我去上烹飪堂好過啦！」有人鬧：「而家係咪做乜X事都要與手機連結！你可以玩智能手機玩得出神入化，趕上最新App，但你連一塊肉都煎唔掂！嗚嘩!!(怒吼)(Miguel Ramirez) 」
記者：陳慧敏
資料來源：pantelligent
I
没有评论:
发表评论