2016年12月8日星期四

蘋果日報- 【動畫●每日健康】一日兩餐茶記勁肥膩 喪跑4個鐘先消耗到

蘋果日報- 【動畫●每日健康】一日兩餐茶記勁肥膩 喪跑4個鐘先消耗到

【動畫●每日健康】一日兩餐茶記勁肥膩 喪跑4個鐘先消耗到

大部份打工仔,一日三餐,有兩餐都喺街外解決,如果計埋下午茶,隨時有兩餐半。茶餐廳,當然係最方便之選。茶餐廳食物,肥膩就多人知,不過好多人會話:「做運動咪得囉!」口口聲聲做運動就得,不過到底做幾多運動,先可以抵消食物中嘅卡路里?


乾炒牛河,炒粉極多油,不如轉做湯河,卡路里立即變成450千卡卡路里。


餐蛋麵走餐,低卡一點,大約614千卡卡路里,而且醃製食物容易致癌呀。


焗豬排飯?炒飯底加炸豬扒,忍忍口轉煎豬排飯吧,751千卡卡路里已經比焗豬扒飯少得多。


西多士,油炸再塗牛油,試試轉做果占多,只有26千卡卡路里。

如果早餐食個餐蛋麵,中午食個焗豬扒飯,以為好小事?跑步消耗卡路里,每小時大約470千卡,餐蛋麵一個就743千卡,跑步要1小時30分鐘,先抵消得到。焗豬排飯,卡路里有1300千卡,非常誇張,如果跑步就要2小時30分鐘,相加就要4小時。你每日有4小時跑步嗎?或者 ,你可以連續跑4小時步嗎?

如果女同事太忙,安坐辦公室叫茶記外賣,中午食個乾炒牛河,下午茶再食西多士,又係大件事。就算有做開瑜伽,瑜伽消耗卡路里,每小時180千卡。乾炒牛河就970千卡,瑜珈要做5小時20分鐘。西多士都唔弱,522千卡,瑜伽要做3小時。食齊兩樣,每日要有做足8個小時的毅力。

每日返工都用了大半日,就算足夠運動的確可以消耗吸收的卡路里,你實際有多少時間運動?不如選擇食得健康點。

記者:李聰

攝影:周芝瑩

想輕輕鬆鬆健康?,記住留意健康蘋台

http://health.appledaily.com.hk/

上一則: 【動畫●點解嘅?】靚女都會口臭!刷牙係咪有得救?

下一則: 【汽車籽】美意變種Jeep 迷你SUV越野潮驅



I

没有评论:

发表评论