https://hk.lifestyle.appledaily.com/lifestyle/columnist/daily/article/20180306/20323064

輪流做莊方穩定 - 左丁山

股市在二月五日嗰個星期大跌，眨吓眼到二月底股市又再回升，跟住又跌過，跌也快，升也速，唔係專業炒家，成日對住電腦睇市嘅話，點追沽呀？我地普通人嘅唯一投資方法就係買穩陣股長揸，不理日常變動，否則心臟難以負荷。
上星期朝早明明睇住股市升，但未到午飯時間，已經回落，乘地鐵過海到尖東吃午飯，地車上遇到建制派愛國分子金融H，唔問佢市道嘞，邊個識睇啫，故意問佢：「習大大大權在握，睇樣子起碼做多十年，你是否擁護？」金融H大大聲講：「擁護，為咗維穩，為咗中國夢，習主席再做下去，係國家之福，可以實現中國夢。」左丁山說：「我又唔係大公，文匯記者訪問你，使乜咁高姿態呀。」到尖沙嘴落車嘞，金融H去半島嘉麟閣，左丁山去尖東香格里拉香宮，出閘後就講拜拜，點知金融H拖住左丁山耳語：「公開講我就一定支持修憲嘅嘞，但中國過去36年相當穩定，江澤民、胡錦濤遵照鄧小平意願，各領風騷之後就歸隱幾好吖，又冇政治鬥爭。我其實驚驚地習主席修憲之後，一個唔覺意，會成為眾矢之的。中國過往幾千年世襲終身制，幾時有過好結果呀！」
言畢，金融H急急腳行咗去。身為建制派都幾辛苦，公開發言，未必係真正內心說話。其實在亞洲嚟講，已漸漸習慣西方之民主選舉輪換制，四至五年一趟，未必一定最佳，但好多人忽略咗，輪換在亞洲有特別一層意思，係左丁山在泰國留學時經歷學生運動、政變、民選之後又由軍人當政嘅經驗領略到嘅。即使唔係清潔有原則之選舉，輪換領導係可以做到「均分利益」。做官致富係亞洲幾千年傳統，根深蒂固，只有西化歐化已久嘅日本、香港與新加坡，可以話官僚系統性貪污已經近乎絕跡。既然如此，上台做莊搵到肥水，在適當時候就應該走啦，唔好過份戀棧，阻住其他集團發達。菲律賓在馬可斯之前就是如此，泰國素來軍人大晒，以前陸軍總司令好有機會上位做首相，否則會四五年搞一次政變，但不流血，因為軍人都係想當權幾年嘅啫，菲律賓馬可斯貪得無厭，為咗自己集團既得利益，係要違憲爭取連任，卒之累死菲律賓。一個派系當權太久，同路人家肥屋潤，其他派系變成清水衙門，頂多忍你十年八年，此乃亞洲國家不能有長期不願走嘅領導人嘅最現實道理！

...................

https://hk.lifestyle.appledaily.com/lifestyle/columnist/daily/article/20180306/20323062

論西方之上當 - 陶傑

西方傳媒眼見中國再次「毛澤東化」，驚呼二十年來看錯了這個國家，意即養虎為患，後知後覺，狀甚可笑。
二十年來，不論西方左翼「精英」，還是川普的藍領支持者，都舔盡了「中國製造」廉價貨品的低通脹紅利。「全球化」將大量污染的工業生產線連同電子垃圾都搬去中國。
西方享受中國廉價的勞工人命時，一干本來擁護哲古華拉、胡志明的左膠去了哪裏？他們在學術界、金融界、高科技界和無國界的社工企業佔據了CEO和主管的位置，並在西方推行「自我疚責」（Self-guilt）和「自我仇恨」（Self-hate）的「大愛包容」意識，將西方的殖民帝國主義歷史貢獻自我貶抑而批判，將第三世界的罪孽淡化而美化。
在中國經濟崛起的時候，西方的商界、政界、學術界，急需一個中國歷史文化與人類學的知識庫，連同其「孫子兵法」與「毛澤東思想」研究中國人這個民族的性格心理，尤須着眼於此一民族的價值觀與人生觀，與西方主流文化有什麼「不同」，而不是盲目認定出於共同的人性，中國人會與西方白人一樣追求終極的自由、平等、民主與人權之「同」。
譬如二十年來，中國男人蜂擁追看的古裝電視劇：「劉羅鍋」、「康熙王朝」、「雍正大帝」、「漢武大帝」之類，還加上中國女人情迷的「還珠格格」，派駐中國的西方記者和僑民，對於中國人是否有獨立思考的能力，是否有足夠的美學品味，是否能進化為懂得以理性辯論和議會選票來決定自己的命運，應該有非常清晰的答案，就是No。
在西方國家的白人，沒有去過中國，但見到走向歐洲和美日的中國人，其趣味只限於瘋狂搶購名牌衣着、奶粉、廁板之類，也應該對所謂的「三千年中國文明」其實僅限於溫飽和口腔，而不及大腦的高維層次，有足夠的認識。
當然，西方大學有大量來學習科技的中國留學生。克林頓等以為這些中國年輕人可能比較高端，在西方住久了會認同民主自由，可以「政治正確」的左膠寬容，將入學要求包括英文程度定低一點，令他們將西方價值觀帶回大陸。
然而「六四」之後中國早已對「和平演變」高度防範，制訂組織控制應對之策，怎會讓克林頓奧巴馬之流將中國的下一代「思想殖民」？愚蠢的西方，就此輸掉了時間和空間。
蠢人比壞人更可惡。中國自「六四」後沉着反攻，你要瓦解蘇聯集團？剩下了我，我不會被你這幫傲慢自戀的白左瓦解，相反我來佔領世界。中國贏得漂亮。

...................