髮剪局1：飛‧髮
1,139
■師傅們今日認老：「家企十幾個鐘唔得喇，唔夠精神眼花花㗎。」十幾個鐘，我哋都唔係好得喎！
人在西營盤第二街，陋巷街角，收音機長期調到商業電台第五台，背景音樂是松松姐姐的《月兒彎彎照九州》。我與攝影師、以及85歲的胡師傅、陳師傅，圍着圈，攤開雙手凌空凝住。胡師傅和陳師傅定過抬油，雙手絲毫未動，我和攝影師，二人四手，不夠五秒，勁震。幾鋒利的刀都有生銹的一日，桌上幾把60年歷史剪刀磨得又短兼生銹，兩位雙手，卻真的未老。
記者：陳慧敏 攝影：陳盛臣好搵過當差
訪問途中，一直有客人走來，吹水的幫襯的。年尾流流，我怕阻你工作喎陳師傅，他一揮手：「唔阻唔阻，我哋呢度唔阻嘅！」然後被按着頭飛髮的老顧客，也有一句沒一句的搭嘴。
曾經，香港打工仔去剪頭髮，密過OL去做Facial，當時，我們都叫「飛髮」，由「fit髮」演變而來。
三個沙煲兄弟於日治時代，十一、二歲學師，歷經了三年零八個月，17歲成為正式師傅養活一家七口，六十年前在常豐里開廣東理髮店一腳踢，後來拆樓，四十年前搬到第二街角落頭一間小石屋繼續經營至今。
現在店裏剩下85歲的胡師傅及80歲的陳師傅。店裏二手買來的理髮椅，同甘共苦了六十年，加起來上百年歷史。每次有客人要刮鬚，抽起個大鐵鎚般的頭枕碰一聲裝上。五十年代高峯期，朝早七點做到晚上十一點，陳師傅：「做到《夜半奇譚》，講鬼古嗰陣先收工呀！」甚麼時代如此旺場？「最旺係柏立基做港督嗰屆囉！當時香港鎖港，人口又少，盲的跛的都有茶樓請佢哋賣包。」1958年柏立基出任港督，並為香港爭取了財政自主權，財政預算不必交予英國審批，但同時社會貪污成風，想做份最低級的政府工都要使黑錢疏通兼要查三代。陳師傅：「嗰時做呢行好好搵呀！啲人飛髮又勤，個個都好工整嘅真係。一個月頭最少嚟剪兩次頭髮，有錢嘅剃鬚剪髮，一個月嚟四次！當時做警察先得160蚊一個月人工，掃垃圾105蚊，剪頭髮有三百幾蚊。有皇家工（政府工）我都唔去做啦！如果唔係，我家食長糧喇！」廣東至係最醒
四十年前，小店還在常豐里之時，有好多公仔書，當時的家庭個個都有四、五個小朋友，小朋友剪髮四毫，大人剪髮五毫，洗埋頭七、八毫連剃鬚，一家人來就把小店坐滿。那一代人剪頭髮，幫襯開就好似入了會似的，每隔一陣就自動回來報到。十來分鐘的相聚時間，洗頭剃鬚為名，聚舊打牙骹為實，一跟就是幾十年。陳師傅：「現在老顧客都少喇，有都死晒喇。幫襯開嗰啲起碼都拍得住我哋年齡喇。」
戰後大陸開放，好多上海師傅來港開「上海理髮舖」，門面靚，服務好，說穿了其實師傅們大抵都來自揚州，卻以上海自稱，因為聽落又潮又摩登，仲可以收貴幾蚊。陳師傅想起有點不忿：「上海（師傅）有限嘅啫，嗰啲人一味討好客人。你知中國人一味抬住人哋大髀話人哋叻㗎嘛，但邊夠我哋廣東人叻呢？問心講句喇！分別呢，上海師傅嘅舖頭，裝潢好、企理啲，又有煙仔食，又畀毛巾你抹面，招呼妥當，我哋廣東人，啲下欄功夫唔做嘅！師傅就係師傅，佢來飛髮你就畀佢坐，就係咁。我做咗六十幾年，都係呢把手剪，練練吓咁。」給客人剃鬚時，陳師傅雙手非常穩定，他反反手腕：「學師時要練手骹，練得柔軟，否則剃鬚時會刮痛客人，唔得㗎！」
■理髮椅下，一道磨得脫色的痕跡，是兩位師傅的活動軌迹。
■紅白標記，開店時已有。
拆解百年飛髮椅
■澳洲人Scott：「在澳洲，所有傳統的老式剪髮店都沒有了，平時我常在這經過，看到一班老人家在聊天很快樂，一直想來試試。」
■兩位老師傅，今日仍手腕柔軟手又定，刮完面，面頰亮晶晶的。
最憎披頭四
以為上海師傅是他們大敵，才不！他們的大敵，是唔剪頭髮的披頭四！「若果舊時整成披頭四咁，你日日都有難呀！你唔得啲警察滿意，佢哋唔理你係咩四，日日都叫你埋嚟、擰轉面拍埋牆，問你做乜嘢功夫（職業），你解釋妥當就放你一馬。你話你學得家啲人咁撐起腰，阿蛇（阿Sir）、阿蛇咁輕佻？佢就擰你埋牆，蛇吖嗱？你冇仇報呀！你梳晒啲頭髮去後面，乾淨整齊佢就唔理你。」多得警察幫忙，即使五十年代末，裝修豪華的上海理髮屋入侵，年卅晚，開滿廣東理髮店的小巷總是排長龍，西營盤第三街那邊曾經有十幾檔廣東理髮，統統滿座。
回到21世紀的年廿九，上午時分小店客人一個接一個，有專程由香港仔來的八旬翁，也有專登開車來，來個十分鐘飛髮短敍又趕開工的的士司機。但長椅上未見人龍。陳師傅：「家啲人都唔肯剪髮啦！」六十年代披頭四爆出，吹到七十年代溫拿、林子祥、阿倫等個個長髮及肩，胡師傅講起就氣：「披頭四最影響我哋呢行啦。個個長毛怪，影響晒啲香港人唔鍾意飛髮！你都係學披頭四之嘛！」又關我事？「你（個頭）呀，唔係唔飛四十次髮，邊留到咁長頭髮啫？」我無力地以「陳寶珠囉！」自衞，胡師傅以「嗰陣梗係興夏萍（柯德莉夏萍）裝啦！」這吓痛擊，氣勢上，我輸了。
■幾十年來只用到幾款剪刀。
■傳統刮鬚用的掃，現在買少見少。
■時至今日，小童剪髮$25，剪髮剃面也才$40，新年還沒加價。
■這把特別叫「田雞」的剃刀，比電動鬚刨更就手。
■店裏毛巾也是同行結業時給他們的。
法國花柱之謎
「友記」的門口，以這紅白斜間為記。原來這斜紋記號的來源有多個版本。陳師傅聽說是當年法國大革命，一理髮師協助革命軍領袖脫險，所以革命勝利後就讓髮型屋掛上國旗，作為功績標誌，漸漸演變成今日的花轉筒燈；又有說在15世紀時，因為醫生們都覺得污血不乾淨，於是請拿剪刀的髮型師兼任放血師，所以以白色代表繃帶，紅色代表血為記，讓人知道哪裏有放血師，流傳至今。
友記理髮
地址：西營盤第二街橫巷 鳴謝：長春社文化古蹟資源中心
■五十多年歷史的鐵風筒，記得小時候我阿爺都有一個，吹得出煙的，但風力強勁，90年代越高越潮的「擋風玻璃頭」，靠晒佢。
剪髮．術語
舊式飛髮舖，有好多有趣術語，師傅們講起仿若打暗號。今日當然逐漸失傳，你去salon髮型屋，再也聽不到了。
吹波：五、六十年代左右，男子流行將前髮吹起，形成頭頂一個「波」
草：指頭髮、好亂嗰種
草王：頭髮又多又亂的客人
趕蟻：剃鬚，當時人見你一面鬍渣，像成面螞蟻一樣
蝦仔、樹叔：貼士
父子十：二十元
大千里：十元
■理髮椅下，一道磨得脫色的痕跡，是兩位師傅的活動軌迹。 
■紅白標記，開店時已有。 
■澳洲人Scott：「在澳洲，所有傳統的老式剪髮店都沒有了，平時我常在這經過，看到一班老人家在聊天很快樂，一直想來試試。」 
■兩位老師傅，今日仍手腕柔軟手又定，刮完面，面頰亮晶晶的。 
■幾十年來只用到幾款剪刀。 
■傳統刮鬚用的掃，現在買少見少。 
■時至今日，小童剪髮$25，剪髮剃面也才$40，新年還沒加價。 
■這把特別叫「田雞」的剃刀，比電動鬚刨更就手。 
■店裏毛巾也是同行結業時給他們的。 
■五十多年歷史的鐵風筒，記得小時候我阿爺都有一個，吹得出煙的，但風力強勁，90年代越高越潮的「擋風玻璃頭」，靠晒佢。 
髮剪局2：變‧髮
1,299
N年前的流行曲，剪短頭髮剪短掙扎，換的除了是髮型，還是一種心情。如果你心情日日大起大跌，短短長長，長長短短之間拿不定主意；又或想感受長髮輕撫臉旁卻有心無力者，去買個假髮吧。現在的假髮，追求的已不是以假亂真般膚淺，而是要真假相融，你估我唔到。
記者：陳慧敏 攝影：陳盛臣
模特兒：Valeria@Pure Models
曾經──如黐膠花般盛行
現在大家去小店買假髮，個個盯緊南韓出品是為最優。其實早在60年代，香港可是亞洲假髮業的中心，當時一位叫劉文漢的富商，將假髮生產業機械化，令香港成為世界聞名的假髮生產地，當時的假髮製造業同黐膠花一樣盛行，粵語長片的女星們都流行戴假髮。
在80年代末成立假髮工場的黃先生：「以前啲假髮用塑料纖維製作，難打理，又重身，每個起碼重150至200g，髮型冇咁多層次，Fing起來更加唔會點郁，就係一餅嘢咁。」後來製衣業興旺，工廠妹紛紛轉行，香港假髮業於80年代初沒落，龍頭地位讓了給南韓。直至90年代左右國內開放，才又轉回人工便宜的國內。假髮亦由昔日的必需品轉為時尚品。
Altermode創辦人黃先生於80年代末，於國內重設假髮工場，說起中國人的髮質，在假髮界最受歡迎：「直到90年代初，國內好多如陝西、安徽的小鄉鎮，街市會有些頭髮商人，見到長髮女子就問價，談好了走去後巷就地『正髮』。」那時一束長馬尾約賣三十元人民幣，儲夠幾斤就賣給中間人，假髮製造商以一、二百噸向他們大量購買。亞洲人的堅韌髮質較受歡迎，市面上有八成真髮來自國內。但現代賣髮的人少了，收髮就更貴，18吋長的頭髮，每kg可賣三千元人民幣。
變髮示範
變身前 
少女時代
■全纖維，半手工製作，髮尾有點彎曲，容易打理。$8,500起 
《老表》夢露老師——朱咪咪
■全纖維手工製作，纖維髮質更立體，售價約$7,000起。
《老表》夢露老師——岑麗香
■全真髮手工製作，比較自然，也可自由用風筒吹造型。售價$15,700起。 
《天與地》佘詩曼
■真髮與纖維髮混合，特色是半手工半機器製作，用機車的短髮部份可以貼服一點，售價$8,500起。
難為髮型定分界
現在，我想搵真係「一餅嘢」的假髮，仲難。滿枱的假髮，又真又假、纖維的混合的手作的機織的，任君選擇。自從70年代日本創出以纖維製作假髮後，撇開小店裏「玩玩吓」的假髮不談，「以假亂真界」當然以真髮做材料、手工製造的假髮是為聖品，選來優質真髮，除了髮質較軟，頭髮也沒那麼油亮，全手工逐條頭髮織上去的，髮型就可以鬆一些。輕輕一撥，連肉色頭皮都見埋，點估到係假？全套訂做價動輒二、三萬元，不過有保養，還有專人配合你的面形修剪，染色。
要求沒那麼高的，近年都流行以蛋白纖維製作的假髮，比昔日慣用的塑料纖維更自然。因為彎曲度及髮絲粗幼的影響，即使是相同的髮型款式，以全纖維製作成的假髮，也會比以真髮製作的厚重，但若想要鬈髮款式，就以纖維製作的較好，清洗完畢任它自然風乾，就可以變會原來的形狀，便於打理。
假髮演變
■早年的手作假髮，布料內層，頭頂看不到髮界。$6,600起，真髮約$11,000起。 
■長鬈曲髮型，以纖維製作比較好，因為待假髮自然吹乾後，自然會回復本來鬈曲度，售$8,500起 
■機器織製的全假髮，肉色網料內層，看得到肉色頭皮。纖維髮質$6,400起。混合髮質$8,500起。
最高級！真髮假髮片
■這款雙層網面假髮片，可以隨便分界，與客人本身的髮型相融，訂做約需個半月，真髮全人手作品$15,000起。
■現在的真髮髮源大多來自印度、馬來西亞、緬甸等地。 一頂假髮的榮與辱
粵語長片的標準笑位：平時也文也武的刻薄老闆被員工整蠱，假髮歪了而不自知，發現後一臉驚惶引得全場大笑兼心涼。店長Lo說來買假髮的客人，十居其九劈頭就問：「會唔會甩㗎？」其實一般的假髮除了產品尺寸不合或者橡筋鬆脫，都不會輕易甩掉。現在的假髮裏又髮夾、又膠紙，真係打風都吹唔甩。
遠至《詩經》年代，世界各地都已流行以假髮，顯示不同人的身份與地位，韓國的皇后、日本的公主、到早幾年才免除，由英國遺留，律師們戴的鬈鬈假髮，都在標示着戴髮者的與別不同及高尚地位。而十零年前的歐美等地，更以假髮為時尚，款式最好日日新鮮，不怕你笑我假，最緊要夠新鮮。四、五年前，Altermode剛「回流」香港開門市，Lo：「現在啲客對假髮嘅接受程度高咗。以前真係受禿髮、白髮困擾，有需要嘅用家先會上嚟。有啲就算上到嚟，明明睇得出佢哋有興趣嘅，都表現得好抗拒。主要都係個心理影響。始終香港人比較保守，寧願唔戴，都唔想人知道佢哋戴假髮。」
其實戴假髮的原因千千萬萬，目標是看起來青春健康，有型有款更佳，其實都係為自己開心，Lo：「曾經有客人初戴假髮還覺得不像自己，但看起來年輕了十年，太太好喜歡，朋友又讚，戴着戴着，自己都喜歡上自己的新形象，漸漸地就覺得不得不戴。」
半世紀「髮展」
如胡師傅同Lo所講，香港髮型走向，都係跟住電影與電視明星走，當年興邊個，就流行哪種髮型。
50年代夏萍
柯德莉夏萍的夏萍裝，是為當年貴婦的典範，即是胡師傅強調，香港至興果隻。 
60年代清爽
當年工廠妹萬歲，個個清爽短髮顯示女性的獨立。 
70年代波浪鬈
70年代流行的波浪鬈，波浪鬈得來整整齊齊。
80年代浮誇
到80年代除了流行爆炸頭，還有吹到勁高的大鈎劉海。 
90年代自然
到90年代，有王祖賢示範，髮型回歸自然，瀑布長髮最受歡迎。 
現代興Baby
Angelababy的波浪長髮，現在最多人問。
Altermode銅鑼灣店
地址：銅鑼灣怡和街22號21樓
電話：27930709
髮剪局3：潤‧髮
694
前一頁男士理髮一刀剃淨，乾淨利落不留痕。女士古方護髮，花樣就多了。老實地賣「朱義盛」的老實公司，1926年於上海街開業，1988年搬到油麻地。兩年前因為業主賣舖而結束營業，卻不代表劈炮屈服。現在店主莫氏夫婦，仍在上海街民光電器行，及網上寄賣其自製的招牌生髮/護髮油──刨花油。同時，這刨花油2011年還和「打小人」一起，入選非物質文化遺產候選名單之一。
記者；陳慧敏
攝影：陳盛臣、楊錦文
■60歲的莫太使用刨花油四十多年，頭髮仍烏黑油亮，得幾條白髮。真係咁堅？
剪到手軟送禮佳品
話說1980年，首位香港小姐孫泳恩在電視上揭示小時候頭髮稀疏，用刨花油後，養得一頭烏黑長髮的秘密，掀起一陣刨花油熱。莫先生：「好古老喇！以前啲阿婆、馬姐最鍾意洗頭後，用刨花油搽辮，編出嘅辮貼服柔亮。」天然壓榨出來的油其實不是油，不黏手，不惹塵，沾到皮膚也不會長痘痘，同是送禮自用佳品，莫太：「50年代，好多人攞住個樽仔去買刨花油，有啲專登買嚟送返鄉下。」洗淨頭髮乾透後，沾一點點刨花油當髮尾油用，攝影師話抵過椰子油多多聲！
製作刨花油，首先要將用楠木刨出來的薄片，剪成每條不到1毫米的刨花絲，浸泡一星期，才能與茶籽油放到攪拌機去絞碎。泡軟了的刨花絲仍很硬，所以每攪兩分鐘，就得關機讓機器休息一小時。小半壺刨花最少得攪拌20次，攪攪停停最少四日。然後將刨花茸隔油兩次，揸出每両$15的刨花油。最喜歡這種「唔使用腦」的工作，腦袋放空，專心致志地剪，簡直是靈魂的修為，過年最啱。然而剪了大半片，夾實三片刨花的左手發緊，拿剪刀的右手發疼，靈魂開始崩潰，莫太：「係好難㗎，有時剪到對手唔郁得㗎！」
除了全天然的古法護髮刨花油，他們也兼賣天然的洗髮古方──茶籽泥。莫太：「以前啲人將茶籽製作成個砧板咁賣，用嗰陣砍下一角開水，黃澄澄，記得隔渣先用，唔係洗到一頭泥！」望見莫太舀出一坨如肥料的泥，混着雜草。泥水？洗頭？唔係啩！然而上網一查，原來現在許多推崇純天然護理用品的店，都有介紹茶籽油，茶籽，即是老年茶花的果實，以一年時間，吸盡日月精華方能結果，內裏所含與人體最合拍的油酸量、比美容界聖品橄欖高20%，用來塗臉的話防暗瘡皺紋雀斑，洗完頭還可以順便杜蟲！簡直無敵！
■以前的人挑幾擔楠木沿街叫賣，有人買就刨幾片，用水泡出黏性就可用。 
■莫先生有幾十個這樣的攪拌杯，不過大概用幾個月就會壞，要不停進貨。但科技常常更新，配合得了攪拌座的杯已買少見少。
■經過20次攪拌後，樹皮變茶渣，之後再製成油。 
■刨花油有原味，及加了玫瑰或白蘭香味的，小瓶裝$90起。
查詢：23843736
剪到手軟送禮佳品
話說1980年，首位香港小姐孫泳恩在電視上揭示小時候頭髮稀疏，用刨花油後，養得一頭烏黑長髮的秘密，掀起一陣刨花油熱。莫先生：「好古老喇！以前啲阿婆、馬姐最鍾意洗頭後，用刨花油搽辮，編出嘅辮貼服柔亮。」天然壓榨出來的油其實不是油，不黏手，不惹塵，沾到皮膚也不會長痘痘，同是送禮自用佳品，莫太：「50年代，好多人攞住個樽仔去買刨花油，有啲專登買嚟送返鄉下。」洗淨頭髮乾透後，沾一點點刨花油當髮尾油用，攝影師話抵過椰子油多多聲！
製作刨花油，首先要將用楠木刨出來的薄片，剪成每條不到1毫米的刨花絲，浸泡一星期，才能與茶籽油放到攪拌機去絞碎。泡軟了的刨花絲仍很硬，所以每攪兩分鐘，就得關機讓機器休息一小時。小半壺刨花最少得攪拌20次，攪攪停停最少四日。然後將刨花茸隔油兩次，揸出每両$15的刨花油。最喜歡這種「唔使用腦」的工作，腦袋放空，專心致志地剪，簡直是靈魂的修為，過年最啱。然而剪了大半片，夾實三片刨花的左手發緊，拿剪刀的右手發疼，靈魂開始崩潰，莫太：「係好難㗎，有時剪到對手唔郁得㗎！」
除了全天然的古法護髮刨花油，他們也兼賣天然的洗髮古方──茶籽泥。莫太：「以前啲人將茶籽製作成個砧板咁賣，用嗰陣砍下一角開水，黃澄澄，記得隔渣先用，唔係洗到一頭泥！」望見莫太舀出一坨如肥料的泥，混着雜草。泥水？洗頭？唔係啩！然而上網一查，原來現在許多推崇純天然護理用品的店，都有介紹茶籽油，茶籽，即是老年茶花的果實，以一年時間，吸盡日月精華方能結果，內裏所含與人體最合拍的油酸量、比美容界聖品橄欖高20%，用來塗臉的話防暗瘡皺紋雀斑，洗完頭還可以順便杜蟲！簡直無敵！
我認得你！
係，由細到大，髮型屋裏一定會見到這種「太空罩」，同事叫佢「血滴子」。每次見它「降落」，即代表「有排坐」。
■最早期的大風筒都鎖死了在牆上，後期才變成有碌有腳，髮型屋裏通處走。 
■70年代出品大風筒，其實只係個吹熱風的大風筒。
■對，90年代末出品的電髮器，即初代的搪瓷電髮儀。 
■以為是「血滴子」進化版，不，這卻是蒸氣機，生於80年代，用來焗油。
■農村裏，鐮刀剃頭！正宗巧奪天工，卻惹來「剃頭佬」市井之名。 
■1960年由理髮業公會出版的《理髮通訊》，說元朗水災工友無家可歸，發起贈送衣物等援助活動。 
■1964年華東賑災，在旺角勞工子弟學校籌款，做個剪髮騷，門券收益用來賑災。
■標叔的老舖新麗都兩年前結業，依然在追趕時代潮流，變了今日──劏房。
由剃頭佬到髮型師
經營了新麗都髮型屋大半個世紀，退休兩年的標叔：「50年代左右，啲人叫我哋『剃頭佬』㗎咋！70年代叫師傅，家就叫髮型師，好明顯地位提升咗啦。」1953年，香港理髮室總公會成立，隨着社會轉變幾度改名，也紀錄了香港理髮及美容業的轉變。
標叔：「以前市政局有條法例，說舖頭不准擺痰罐、舖頭一日要消毒幾次、髮型師一年要驗幾次身來確保衞生，師傅們去不同地區又要登記。」我諗起卡通片《怪獸公司》。標叔：「我哋邊有咁多時間？好在有工會團結反對。不過都因為咁，後期啲飛髮舖都越做越有規模，越做越企理，就係咁解囉。」
「嗰陣時我哋淨係想快啲有門手藝，同幾個老友記開店做老闆、識個大姑娘拍拖。於是就走去搵師傅學師。嗰時真係要幫手煮飯、買煙、掃地拖地。做咗八個月雜工，先叫做學識洗頭。浪費時間㗎！咪當訓練耐性同服從度囉。睇電視，睇見柯德莉夏萍、米路花拉、林黛同林鳳個奧米茄頭，一係企喺師傅後面偷師，睇完借朋友個頭來試整，邊有假人頭俾你試剪咁好呀。現在年輕人邊肯同你浸兩年做呢樣？」梗係啦！八個月喎！我去工聯會都拿了幾張證書了！所以70、80年代以後，學徒們都跑到培訓學校去，短短的課程，學會剪髮電髮的基礎，在髮廊裏跟師傅又偷幾年師，升做師傅，想增值又可以返工會上課做技能提升，條路一路都好順，真好。標叔：「幾個師兄弟儲錢租個二樓舖做老細，不很難。」「租個二樓舖」同「不很難」，心，突然的隱隱痛。
面臨考試與認證
現在香港的理髮師，正面臨將來或會實行的考試認證政策。香港理髮化妝業職工總會主席梁子光：「其實早於十年前，國內的理髮師都要考認可證。正如我哋家如果想返國內做嘢，其實都要考同一個國家職業認可證，考試內容除了實戰外，最重要還要念大叠中外髮型歷史。由漢唐到滿清到八國聯軍，甚至世界髮型潮流演變都要讀到，聽落有趣，但難讀，個證得到英國、澳洲同歐盟共五十多個國家承認，香港美髮業也有一個類似的『資歷架構』認證，提高行業資歷，實行咗五年，但反應未算理想。」現在政府正計劃讓業內人士考取這個認可證。梁子光：「但若年紀大的老師傅都要攞證，就會抹煞咗佢哋嘅經驗。所以家需要一個過度期，等一班有資深技術同經驗的老人家一路過度。」
没有评论:
发表评论