法國人對男女感情嘅處理，比我地香港人理性理智得多，傳媒亦唔會無中生有，發掘陰謀論嚟將男女關係拉入政治討論，譬如婚外情就唔會影響政治人物嘅聲望，唔似得香港咁鄉下仔。呢，法國社會黨（中間偏左政黨）在最近嘅地區選舉大敗，右派及極右派（主張本土化，排擠新移民）大獲全勝，於是社會黨籍嘅總統奧朗德立即大幅度改組內閣，將三十八個內閣部長削減至得番十六個（呢啲咪叫做精簡架構囉），並且內舉不避親，委任自己四個仔女嘅母親，第一個同居女人Segolene Royal為「生態部長」。嘩，奧朗德捨棄Royal，當選總統後與新歡入住愛麗榭宮，去年又勾上女明星，踢走「第一女友」，依家已經斬斷與女明星一段情，又叫番為自己生四個仔女嘅Royal做部長，法國人對佢嘅私人愛情、姦情一啲都唔介懷，只係憎佢搞唔掂經濟及失業高企啫（三百三十四萬法國人失業）。於是奧朗德委任民望較高嘅內政部長Manuel Valls做總理，一反上台時向富豪抽重稅嘅作風，話明親近商界，減稅，刺激就業，唯經濟增長為尚！法國人嘅休閒生活唔好咩？法國文化唔精緻咩？巴黎人每年八月放假到南部享受陽光海灘唔令亞洲人羨慕咩？可惜吖，經濟零增長，失業人多，年青人畢業即失業，仲有錢有閒情去蒲咖啡店，當文藝青年，回鄉租塊田，逢周末就返去耕一耕，然後高呼政府要振興、保護農業咩？
呢類人在香港、台灣多的是，盧子健係上咗岸嘅成功人士，佢在四月二日「明報」發表嘅一篇文章，「唯經濟增長意識形態的局限」就講到：「香港和台灣在五六十年前一樣處於貧困狀態，經過了大約兩代人的努力，基本上擺脫了貧困，可以開始追求優質生活。」今天之港台，大概係二十年前之法國。法國嘅優質生活，曾是西方之頂峯，但逆水行舟，不進則退，今天左派社會黨當權，也要追逐唯經濟增長意識形態。
上星期彭博商業周刊中文版有一篇張鐵志文章，講今天台灣學生反服貿，思想理論源於美國政治學者Ronald Inglehart在1970年代提出之「後物質主義」（post-materialism）價值觀。40年後，台港青年人「發現新大陸」，但法國已經唔興咯！
一個出色的節目，一部出色的電影，主角配角同等重要。主角當然矚目，但配角發揮輔助、調味、扶持、加分的作用，亦受讚揚。
不管地位高低戲份多少，最開心是演到一兩場特別精采的戲，觀眾記得。即使不起眼的綠葉，也對他的工作尊重。
老牌節目《歡樂今宵》近日舉行聯歡晚宴，昔日台前幕後二百人聚首一堂，十分熱鬧。「老牌」雖有點過氣，2017年就是五十週年大日子，到時香港人不知有沒有真普選？抑689冧莊如此恐怖？但該年應有EYT大壽。
記得當年EYT節目尾聲，藝人來個集體謝幕道晚安，有位藝員必然向觀眾深深一鞠躬，這個誠懇鞠躬就是俞明叔的基本動作，小角色也從不自輕。俞明叔早已退休，今年九十歲了，他當晚出席晚宴也很精靈。
鮑姐鮑起靜憑《天水圍的日與夜》獲獎，今年也以《殭屍》提名最佳女主角，她說明白熱潮總過去，當時封后，自己仍如常一樣演每一個角色。
有時是主，有時是副──我們也要把它做好，之後鞠躬道別，沒有遺憾。因為「敬業樂業」，知足。
发自我的 iPad
没有评论:
发表评论