�果日�- �者五失 易有抑�

長者五失　易有抑鬱

■中醫師指輕按抑鬱症患者耳朵的神門、交感和心穴，可達到安神作用。

【本報訊】健康出現毛病、痛失伴侶是家中長者患上抑鬱症的警兆，但長者往往因為怕吃西藥而拒絕接受治療。東華三院「友心情」網上電台推出三集節目「從中醫角度看長者情緒病」，提供中醫食療、穴位按摩及生活小貼士治療抑鬱、焦慮等老人常見精神疾病。

東華三院黃竹坑服務綜合大樓高級主任尹可如引述研究指出，全港大約有百分之七的長者患有抑鬱症，當中百分之三更有輕生念頭。

但老人抑鬱症經常被忽略，因為長者容易將抑鬱症的病徵軀體化，「成日頭痛、失眠，以為係身體毛病，呢啲可能係抑鬱症初期症狀」。她續稱老人家如有「五失」，要多加留意，即「啱啱退休、健康出現問題、喪偶、朋友離世、無自信」。

建議嘗試中藥療法
長者一般抗拒西醫，而且抑鬱症屬精神疾病，帶他們求醫，長者可能極度反感。尹建議，患輕度抑鬱症的長者可嘗試中藥療法醫治，並多做運動令氣血運行暢順。註冊中醫師李翠妍指，抑鬱症是源於氣血失調，導致氣滯、痰阻。

長者可以食療減輕病情，中藥對身體副作用較少，食療外也可按摩穴位，如輕按耳朵的神門穴、交感穴和心穴，達到安神的作用。

今年59歲的阿明，其經營的家族飲食生意兩年前因被收購而結業，情緒大受打擊而患上抑鬱症，「以前好多人訪問，係人生最高點，霎時覺得自己無晒價值，諗住上天台跳落去，發現鎖咗門」。

之後遇上社工，轉介他到瑪麗醫院精神科住院，一住便是兩個月，「嗰陣情況越來越差，係咁加藥，自己都驚出唔返嚟，要調去東區醫院」。

但80多歲的母親堅持每天到醫院探訪，令阿明深深感動，「（媽媽）知道我喺醫院度諗住撞牆自殺，佢匿埋喺廁所喊得好緊要，嗰刻決定唔可以就咁放棄自己」。