隔牆有耳：陳新滋「民主牆唔可亂貼」
浸大校長陳新滋唔頒畢業證書套畀撐傘上台畢業生，獲狼英同吳得掂高度讚賞，佢嗰句「今日可以攞傘，聽日咪可以拎住旗揮嚟揮去，如果你係八旗子弟咪拎住好多旗嚟？」肯定名留「清」史，校長噚日又發表「高見」。
陳校長噚日出席學生會舉辦嘅校長論壇，講到近月校內貼咗唔少同雨傘運動有關標貼。據學生會編委會喺facebook專頁報道，陳校長指學校設立民主牆，就係畀個地方學生發表意見，任由學生張貼會令成個校園佈滿唔同嘢，所以限定咗邊度可以用、畀邊個用，唔係隨便用，唔希望亂晒龍。
陳校長跟住所舉例子，令人啼笑皆非，「如果邊個鍾意呢度貼啲乜嘢，就可以貼，或者某某生日都貼張，就會好亂」。唔通有人試過喺校內牆上貼文慶生？噚日論壇有約30師生同職員出席，聽到陳校長咁講，應該O晒嘴吧。 
发自我的 iPhone
没有评论:
发表评论