2015年5月4日星期一

「吮癰舐痔」經典示範

江美儀的爆肚語錄：「愛滋有得醫，人蠢真係冇得醫。」看來得改一改。愛滋有得醫，人蠢有得醫，樣衰都勉強有得醫，但樣衰而肉麻獻世真係終極冇得醫。

我們尊重痙攣人士，因為這種病，肌肉不自主地收縮、扭曲，但對他們的言行品格才能無損。在重播的《大時代》中，方進新（劉松仁飾）被丁蟹（鄭少秋飾）打壞腦，失憶白痴還間歇痙攣，手腳不靈活，在報紙檔的神級演出如泣如訴，觀眾賞戲大受感動。

──松哥扮痙攣成功，宣揚偽普選政改方案的李力持也扮痙攣，但後果就……他嘲笑泛民冇橋，五官扭曲還鬼食泥般口齒不清。反應熱烈，遭各界批評網民圍插還有短片反諷，勢色不對冇力自持，惟有小學雞地表示「搞吓笑啫！」

──但另一角度而言，我不認為「搞笑」，這是非常有意義的經典示範，可作演藝學院戲劇訓練班正負面教材。短片中他痙攣扭曲的嘴臉，恰如其份地表達了「吮癰舐痔」的反應。帝有病，為其吮吸毒瘡、舔去痔瘺膿血的奴才，曲意逢迎獻媚，當然得蒙賞賜，但「侍候」不易，一時惡心便有此等表情了，可供後學者參考。

至於有些政棍，睚眥必報忍唔住冷笑連連，外戴人皮面具掩飾狼相？但其良知、誠信、品格已嚴重痙攣扭曲了。