韓國落機後要做的兩件事
記者、攝影：曾冠輝
今時今日出門旅行最重要唔係吃喝玩樂，而是保持聯絡，廿四小時全天候都要保持online，如果唔係點樣可以post相呃like，於是人人出門都要事先借定Wifi蛋先安心上路…… sorry，大吉利是。
不過，假如忘記出發前預訂，即使有公司在機場開設有Wifi蛋分店，都未必可以即時租得到，是咪無計？又未必，首爾機場其實都有得即場租用，而且費用每天只是約$35左右，比香港更平。同一櫃枱還可租用sim card，不過留意，係租用，唔係買，即是離開時是要還的，否則從信用咭扣除按金。不過sim card費用唔平，至少租用10天，費用超過$200，而且不能睇片，點樣揀就視乎閣下是否需要打電話了，若主要用來上網，租Wifi蛋會比較有用而化算。
條題講明是落機後的兩件事，在進入市區前當然還有一件事要辦，就係增值！如果曾經參加韓國觀光公社舉辦的活動，或許會得到一張韓國八達通T Money咭，於準備入閘乘機鐵入首爾市前，可於自助增值機為T Money增值。這張T Money相當好用，除了可用於機鐵、地鐵等公共交通工具，還可用於便利店及部份店舖，今年初開始還可用於的士，對於我等最怕成袋散銀的人簡直是一大福音。
上一則: 【飲食籽】屏山人氣店 華嫂冰室將進駐觀塘
I
没有评论:
发表评论