【電腦巡場】小米電動平衡車殺到 炒上$3,980
小米部Ninebot mini（9號平衡車）由發佈嗰日開始，已經馬上嚇壞鬼佬，1,999人仔！如果以腦場匯率，大概只需$2,438港幣！你話點樣唔嚇壞所有外國人呢？
不過熟知小米玩法的香港消費者，一定知道小米愛玩有價、冇貨、再夾高呢個遊戲規則，所以正式到港開售價格，竟然係$3,980港幣，同Zeta sales都算吹得兩嘴，佢都話在國內拆貨價真係幾高，只有逼於無奈做上呢個價位！不過這類電動車，主力都係外銷居多，客人可能有少少微言，不過都仍覺得好抵玩。
機身只有12.8kg，以Ninebot同系列電動平衡車來說，算係相當輕巧的一部。
話説呢部車，肥通都有攞返公司的私家路試玩，玩法絕對可用「奇行種」來形容。以往同類電動平衡車，多數以人體的重心作前後左右移動，但這部Ninebot mini操作比較特別，雖然前進、後退都是依據人體的重心，但說到轉向方面，卻要扭動兩腿間的「腳部支架」作轉向！
一般人在初玩時，大多不能放膽傾側整個身體，所以好多人會做出非常古怪的S形、扭腰動作；記者腰力一般，加上身軀龐大，試玩時都出現上述情況，而且馬上被周圍朋友定性為「奇行種9號」！
論操作方法，這部車的設計比較特別，如果喜歡挑戰新難度的人，真的不妨試試。
記者：朱崇德
I
没有评论:
发表评论