【網上爆Post】最細4.1藍牙耳機 玩子彈形無線叉電
最細藍牙耳機出現喇！這耳機由德國設計師Schatzii開發，產品名副其實，叫「BULLET Bluetooth 4.1 Earpiece + Charging Capsule」，真係成粒子彈一樣！機身使用最新藍牙4.1系統，採用單邊入耳式設計，除一般聽歌功能，仲內置收音咪，所以想傾埋電話都無問題；機身內置電池可支援1.5小時通話或6小時聽歌功能。嫌唔夠使？跟機仲有一個隨身叉電座──Charging Capsule，在插上micro USB接線後，佢就可以透過無線叉電技術，為藍牙耳機隨時叉電。最開心係佢仲內置儲電池設計，而且電量是藍牙耳機的4倍，所以叉滿兩組嘢後，想聽足一日都無問題，機價150美金（約港幣$1,162），感覺亦唔太貴。
睇完咁正嘅產品介紹，可能大家都會有得之而後快的衝動，不過此產品有一個重大缺憾，就係如果子彈太細，而閣下耳仔窿又過大，你估會發生乜嘢情況……答案係可能要搵醫生攞番佢出嚟，買之前大家考慮清楚吧！
記者：朱崇德
I
没有评论:
发表评论