只是过客: 壹週刊 - 1158 - BEST-SHOPA 小喇叭大升音

2012年5月26日星期六

壹週刊 - 1158 - BEST-SHOPA 小喇叭大升音

BEST-SHOPA

小喇叭大升音
2012年05月17日
近年不少電腦品牌愛同音響品牌 crossover出 notebook，好似 HP同 beats（ http://www.hp.com/united-st......day-beats/envy14_beats.html）、
ASUS同 Bang& Olufsen（ http://www.asus.com/Notebooks/Multimedia_Entertainment/NX90Jq/）、
Fujitsu同 Onkyo（ http://www.fujitsu.com/hk/s......pc/notebooks/lseries/lh772/）……證明今時今日用家對音質已好有要求。
不過，售價卻比規格相若的普通 notebook貴五、六千蚊，抵玩與否實在見仁見智。
想 notebook聽歌有靚音、睇戲有立體聲，外置喇叭是不錯之選，其中 2聲道喇叭既可保持 notebook慳位優勢，價錢又相宜，更加合適。
怕揀錯？今期特別搵影音專家李柏權（ Alan）教路同試聽，實行以平價為 notebook升音。
點先識揀

放大圖片

由於 2聲道喇叭用中音單元輸出埋低音，吋數夠大的話震膜亦會加大，先可以令中、低音表現得更好。

既然為 notebook外加電腦喇叭，對音質都有一定要求，雖然 2聲道喇叭變化不多，但其實都要留意體積大細同音源輸入數目，先有靚聲同用得方便。
體積要大

大部分小喇叭的發聲單元較細，開到一半音量隨時拆聲，所以揀喇叭時一定要留意單元有否兩吋或以上，另外，如果震膜、磁鐵的用料比較好，亦可以令中、低音表現得更細緻及明顯，開到最大聲亦不會太拆。
更多輸入

放大圖片

設有獨立 Audio Input（紅圈），加多條 3.5mm線就可連接手機聽歌。

買了對 2聲道喇叭，都會想物盡其用，駁埋手機聽收音機或播歌。現時新型中階 2聲道喇叭，都會特別加多一至兩個音源輸入，方便用家駁埋其他裝置輸出音效，免卻要將插頭掹來掹去的麻煩。
提高音質

放大圖片

要聲音有更強立體感，擺放時要留意「等邊三角比例」：就是一對喇叭同用家的距離可形成一個等邊三角形，令音頻更多空間「走動」。

試聲評級

揀來三對新款電腦小喇叭，交由 Alan分別用 ASUS ZENBOOK UX31E播 Mr.的慢歌《昨天》聽人聲細緻度、 Lady Gaga快歌《 Marry The Night》聽電子音樂同低音效果，以及睇 The Face Off版本《 The Avengers》預告片試包圍感。發現平價得來有靚聲，喜出望外。