隔牆有耳：200人洗7.2萬隻酒杯
67
出動逾200位同事幫手收杯、洗杯以及分發返畀參展商，夠晒大陣仗。
其實今日嘅紅酒展已經係第五度喺會展舉行；由於規模大，會展出動逾200位同事幫手收杯、洗杯以及分發返畀參展商；雖然主要用機洗，但主辦單位講到明，水晶杯唔可以用清潔劑洗，以免化學劑影響酒味，所以縱使係機洗，都有成四個過水步驟，加上唔可以用快乾劑，所以要用人手逐隻酒杯抹乾，好多時都要洗到半夜，清晨再開始分發啲杯出去。
唔單止洗既過程嚴謹，隊團喺清洗過程仲要幫手檢查，若發現杯身有損毀同老化甚至起霧氣都要抽起，確保隻杯夠「令身」先出得場。會展管理公司副董事總經理梅李玉霞估計，展覽期間每日要用既酒杯超過7.2萬隻，真係唔嘢少。
没有评论:
发表评论