隔牆有耳：事後孔明 街坊書法贈「劉華」 - 李八方
有黨員喺選舉後，喺民記中委會將街坊的「孔明」書法轉贈劉江華（左）。
正當網民狂賀劉江華落選之際，唔少建制派中人都喊咁口。陳克勤日前喺facebook話，有人問佢點解當選至今未笑過，佢就話最傷心都係「劉華」敗選，仲話「會笑的，應該不是盟友！」
為咗番劉江華，有黨員日前搵嚟一幅聲稱來自「居民陸叔」嘅書法，喺民記中委會上親手轉贈劉江華，話上面寫有諸葛亮名言「眾將易得，主將難求」。係咪有「事後孔明」玩嘢含意，要留畀大家自行參透。
呢頭有人送書法，有網上商舖為咗慶祝劉江華落選，推出首十名買某型號智能電話可以平200元。劉江華就話對離開立法會「冇唔捨得」，但唔肯講明四年後會否再戰江湖。
发自我的 iPad
没有评论:
发表评论