隔牆有耳：求主寬恕 毓民終於宣誓 - 李八方
宣誓窒窒下 毓民叫完就撇
人民力量黃毓民（圖）上周宣誓時「咳走」共和國字眼後，雖然被迫缺席多個立法會事務委員會會議，但前日仍成功「感動」個別建制派成員，令佢唔使親身開會，就當選資訊科技界委員會主席。
噚日毓民再宣誓前，先主動同立法會秘書長陳維安握手，再揸住聖經話要向上帝禱告，求上帝寬恕，就用斷截禾蟲方式將誓詞逐節逐節讀，佢今次未敢再「咳走」共和國字眼，但就喺宣誓後大嗌「打倒港共政權，打倒梁振英政權」口號。
「西環契仔」謝偉俊一度質疑毓民宣誓方式合法性，但主席曾鈺成一錘定音，話按先例同香港法律，裁定毓民已依法完成宣誓。曾鈺成又話，如果有人覺得議員違反誓詞，可按《基本法》同法律處理，算係為「咳走」誓詞事件畫上句號。
没有评论:
发表评论