2012年11月1日星期四

熟人放風甘健成仲有私生女　隨時掀爭產風暴

燒鵝風暴2：肺癌大少仲有私生女

【本報訊】甘健成與胞弟之訴訟以落敗告終，原來他早在入稟申請清盤時，已做好拆夥準備，擬在上環另起爐灶。然而，繼《蘋果》日前報道甘健成疑有私生子後，再有與甘相熟的名人放風，指他尚有一名剛成年的私生女。若這些私生子女現身爭產，勢將嚴重困擾長房調動遺產，窒礙新酒樓成立資金。　記者：葉競科

《蘋果》日前報道鏞記大少甘健成，生前紅顏知己眾多，先於80年代中期與店內女收銀關係密切，餽贈對方樓宇，雙方並疑有私生子留學澳洲。其後他又與開設洗衣店、貌似王菲的乒乓球友Judy相熟。然而本報透過一名與甘相熟的飲食界名人，發現甘另外還有一名私生女。

甘健成病逝不久，便接連有傳他曾有多名紅顏知己及兩名私生子女。

生母曾於鏞記打工

這位不願透露姓名的名人向記者說：「無獨有偶，呢個女子又係曾經喺鏞記打過工，兼且都係開洗衣舖！據我所知，阿勝（甘健成原名甘琨勝）當年受到太太壓力，唔能夠畀佢留喺鏞記，於是打本畀佢開洗衣舖，仲保持來往；呢個女子後來誕下一女，𠵱家應該十七、八歲，肯定仲未讀大學！」

本報日前得悉，甘健成疑有一個私生子，經過追查後發現，傳聞中的私生子甘令銣（Keith）09年已在澳洲阿德萊德大學心理學系畢業；至於傳聞中的私生女，則可能是他同父異母的妹妹。有律師指出，只要私生子女現身爭產，將嚴重打擊長房擬出售父親鏞記股權，另起爐灶的部署。

據悉，甘健成早在入稟法院，準備打官司時，已經作出另起爐灶的打算，「阿勝最初想喺番中環開舖，但舖位難求，於是佢沿電車路一直搵到去上環，終於睇中心儀舖位，接近成事。在鏞記貴賓廳效力嘅心腹員工，亦已經辭職等佢，好可惜佢自己因病先行一步」。

「改名健成唔吉利」

對於外界指鏞記交由二弟全面掌舵後食物質素下降，該名人認為只是心理影響。但對於法院的判決，他卻吐露出一段往事：「當年阿勝聽風水師講改名『健成』，我已經叫佢唔好！唐代玄武門之變，身為大哥嘅建成，結果咪畀細佬李世民殺咗囉，好唔吉利！」