阿蘇寸Kelly機械人跳舞 「誰人代替你地位」 - 20130401 - 《蘋果日報》即時新聞

 

阿蘇寸Kelly機械人跳舞
「誰人代替你地位」

Kelly跳舞令阿蘇開post大彈，其實當年阿蘇咪一樣彈過祖兒講開英文，依家一樣friend咗。(左圖)(蘋果日報)

阿蘇公開哥哥變魔術嘅舊相。（微博圖片）

Kelly噚晚連唱多首哥哥嘅快歌，如《黑色午夜》、《Stand up》、《Monica》等，難度都好高0架﹗

今日成個facebook都係哥哥張國榮，昨晚有份出席紅館哥哥紀念騷的蘇施黃，亦分別於facebook及微博「洗版」，除張貼噚晚演出花絮及後台合照之外，仲有一張哥哥舊照。
相中哥哥化身為魔術師，阿蘇寫上：「各位國榮fans，『...沒有甚麼給你...』就憑這幅相罷！97年2月17日，我生日去了澳門慶祝，在酒店玩，國榮發乜癲在扮魔術師，你睇吓佢隻蘭花手！天生表演者！」
另一教哥迷開心的是，阿蘇噚晚喺會場上見到唐唐，唐唐仲同佢講：「啲fans 直情冇得頂❤...」聽到唐唐讚美，就好似得到哥哥讚美一樣咁開心啦。
之不過，有讚亦有彈，阿蘇雖然大讚噚晚good show，但亦忍唔住批評陳慧琳（Kelly）跳舞似機械人：「Omg，陳慧琳唱晒哥哥啲快歌，oh no!She danced like a robot!!!...真係誰人代替你地位！」呢句說話一出，有唔少網民讚好，仲留言彈爆Kelly跳舞差，又大讚商天娥唱得好過Kelly添！事後阿蘇亦刪除留言，可能為咗免傷和氣啦。
查實Kelly噚晚嘅演出，一啲都唔易，佢一口氣又唱又跳連串哥哥跳舞金曲，包括《黑色午夜》、《Stand up》、《不羈的風》、《少女心事》、《~H2O+》同《Monica》，真係有一定難度。而且阿蘇批評亦係出於好意提醒，好似06年佢都公開彈過容祖兒唱《我的驕傲》時，「 fly up high」唱成「fly『笠』high」，當時阿蘇更謂：「個『笠』喺邊度？咁你話係咪慘呀？」噚晚咪一樣開開心心合照。

阿蘇寸Kelly機械人跳舞 「誰人代替你地位」 - 20130401 - 《蘋果日報》即時新聞

網友大讚性感。（微博圖片）(互聯網)

放大睇真啲！（微博圖片）

今日4月1日，除咗係愚人節之外，仲係哥哥張國榮（Leslie）離世十周年的日子，各地都有唔少「哥迷」紛紛舉行悼念活動。當年小虎隊成員、現年46歲嘅歌手胡渭康，亦於網上上載一張哥哥同佢嘅泳褲照，寫上：「青葱少年時」。相中仲見到有梁朝偉、胡渭康同哥哥只係著住泳褲，非常性感，哥哥嘅膚色係三個入面比較黑的一位，而偉仔就以白色衫褲上陣。
果然係青葱少年時，激罕﹗

【短片】【風繼續吹】
網民一致激讚　商天娥最驚喜

商天娥（娥姐）噚晚現身哥哥張國榮（Leslie）逝世10周年嘅「繼續寵愛·十年·音樂會」，由杜自持鋼琴伴奏下獨唱一曲《儂本多情》，現場還播出29年前娥姐與哥哥喺劇中嘅經典片段，成為全晚最驚喜一環。
拍《儂本多情》嗰陣，哥哥得28歲，娥姐亦只有24歲。眨吓眼就咁多年。真係令人不得不感歎。而娥姐嘅唱功一向都有番咁上下，噚晚嘅音樂會中更大騷本錢，網民大讚娥姐唱功好，更有網民話：「KO容祖兒。」咁又誇張得滯。
網上亦有民調，睇睇大家覺得全晚哪一環節最感人，結果娥姐排第二，排第一係梁朝偉與哥哥隔空對話那一句：「不如我哋從頭嚟過 」；至於排第三係張學友，佢嘅短褲look果然有驚喜。祖兒唱《大熱》、古巨基唱《由零開始》等就排最尾似乎未受青睞。
29年前娥姐同哥哥合演劇集《儂本多情》，，更有唔少床上戲o添，噚晚亦重現喺大家眼前。

(蘋果日報)

由零開始，偷偷想到落淚！03年4月1日傍晚6時43分，一代巨星張國榮從中環文華東方酒店躍下輕生，這傷痛一刻，哥迷永不忘記。
十年後的傍晚6時43分，近千位繼續寵愛的哥迷齊集中環，手持燭光默默哀悼，哭祭哥哥。而哥哥生前跟唐鶴德的生活密照昨日也曝光，好友公開相片，表達想念哥哥的心！